(اقرا الملامح)
الى متى الصمت والاوجاع تقهرنا
الى متى الخوف والاحساس بالغربه
ياكثرنا بس لا تسأل عن اكثرنا
يا ضعفنا ويا كثر صمت ٍ نعبربه
آخرنا اقرب من اولنا وأخرنا
اولنا ابعد من اﻵخر ونفخربه
الحلم اكبر من الواقع واصغرنا
اكبر من الحلم واحزان ٍ تعمربه
اجيال تولد وتقرا في دفاترنا
تاريخ مجد العرب بالسيف والحربه
حنا على الارض بالتربه تجذرنا
تاريخ الاجداد يا بعده ويا قربه
اقرا الملامح ودقق في مناظرنا
اقرا التفاصيل من تربه الى تربه
في ليلة ٍ حزنها كدر مشاعرنا
طاح البطل والفرس تصهل وتنظربه
صلاح بعدك ترى تصرخ حناجرنا
اجيال تفنى ترى الكربه هي الكربه
الاسئله والمواجع كم تحاصرنا
عيون الاطفال فيها الخوف نشعربه
الى متى ننتظر من هو يناصرنا
وعدونا يرسل الضربه ورى الضربه
اما حياة ٍ ونلبس ما يعطرنا
والا الثرى بالدمى منا تعطربه
محمد _الثوعي
آخر المشاركات
10-24-2024, 06:24 PM
العرض الشجري