بدون عيون .. !

[طلال بجاد]

.
.
.


ليه رحت
وليه جيت
و
وين رحت
ووين جيت

كلها اربع ثواني
ويمكن (إ)تسمى حروف
قلتها لك ثم غفيت
بعدها صديت
تبتعد ويـّـا الثواني عن عيوني لين جيت
وقلت لي :
مشتهي تاكل حروف .؟!
وتكبر أكبر !
وكل حرفٍ فيك يصبح فيني أشعر !
قلت أنا لك :
مشتهي آكلك كلك
وآكل حروفك معك
لين ما عيني تحرر من قيود الصمت وطعون السؤال
لين ما انسى كل همٍ من قلوب الناس زال
ايه زال
ومن سنييييين
ومن سنين إحتلنا ومازال
بين قلبي والحديد
الحديد اللي بكى منه الحكي
"والحكي كله قصيد
وإن سكتنا قصـ .. ايد"

قصـ .. ايد ودمع

دمع عين
ودمع أرض
ودمع شارع
ودمع معنى في جبين الحرف خاشع

شفت كيف الدمع ويّـا الهم عاني
جايلي كله حماس
ومندفع
لجل يغتال الأماني
والأماني قبل وصله ميّته
مابقى منها سِوا أربع ثواني
ويمكن (إ)تسمى حروف
وعمرها بيديك حبيبي !
بثّ فيها الروح رد
خل همي يبتعد

وخلني آكلك كلك
وآكل حروفي معك