نواف التركي وسلطان الدوسري .. في (بلا موعد) الحلقه 16

[نواف التركي]

ما بكيتك
انا بكتني السفينه !
منين ما طش الرذاذ .. تريد تبحر !
تدري نوبات السفن لو ضاق خاطرها بجبن قبطانها
تسافر وحدها !

مظفر النواب




الأن دعني أترجل عن دفّة هذه السفينه لتسير بها أنت , لك البحر فـ أبحر كما تريد وسـ أجدف في أي أتجاه أردته .

 

[نواف التركي]

فاصل فكاهي:


عبدالله ثويني

على الماسنجر مسنتر وساكت جاء يطلع حط لي أغنيه ( ماعاد بدري)

أحسّه غلطان بقوّه ...............




قبل شوي رحت أجيب غداء من المطعم والجوووو برد خليت السياره برا شغاله ونزلت تخبر بسرعه بسرعه وأنا قاعد أطلب إلا اللي شغال ( بواري) طلّيت براسي إلا وأنا اللي مسكّر عليه .... نزل من السياره يشّر وين راعي السياره .... طليت براسي كذا قلت معليش شوف السياره شغاله طلعها قدام شوي وأطلع أنت ... قال لي والله لأصدمها .... قلت والله قوي أنت ....رجعت على باله الولد زعلان .....شوي ألتفت إلا هذا هو جاي يمشي للمطعم ... يخرب بيته طلع وجه شرررررررر ... توني كذا بقوله معليش يالطيب إلا يقولي بالله الشريط اللي شغال بالسياره عجيب أقدر أخذه ....قلت بالله عليك ياخي كان ماخذه ورايح خبصت قلبي قلت الحين شيل أبوك حط أبوك .



بإنتظارك

 

[سلطان الدوسري]

.
.
نواف .. حسبي الله على بليسك ..
مااعرف امسك دفّه ولا الاصيل
لكن تدري ؟؟ ابحوس هالدفة وان غرقنا شهداء ..
.
.
نواف ... ياحبّك للفن العراقي .. واللهجة العراقية اللي مايجيدها سلطان ..
لكن بالفعل الحين برجع بك إلى تركيا جاء وقتها ولكن في زمن ٍ غابر ..
.
كان هذا في عام 1408 هـ ... وكنت ماكتب الشعر في ذيك الفترة .. ولكن متذوق ..
وطلعنا زيارة لمكان به قلاع وحصون .. وكان خوينا هذا يلعب علينا بالشعر وبالغصب
نسمع ونصفق له .. وهو من جمبها وحنا من جمبها ..
المهم .. كان الجو وقت الشتاء وثلوج مثل القطن .. وكل شي متبلل .. وطاحت ورقته
اللي فيها القصيدة .. ويوم رجعنا للبيت دوّرها ولا لقاها تدري وش قال :
قال الحين بيلاقها واحد وينشرها وينسبها لنفسه ... وربي فطسنا نضحك عليه ..
والادهى من هذا التقينا هنا في السعودية بعد مرور 18 سنه .. وجاب قصيدته هذي
يقول بسمعكم شي يعجبكم .. قسما بالله ماهو حول الشعر .. ودرينا انه يلعب علينا
وحنا مصدقين بعد .

وكنت بسألك سؤال حول هذا وهو :
هل تتوقع ان الجو له تأثير على الشاعر ؟؟ واعني الطبيعة ومايواكبها من جمال ؟؟
وهل لو كنت انت بهكذا مكان هل سيتغيّر شعرك بـ نهجه ونمطه وصوره وخياله ؟؟

.
.
وبعدين تعال .. لاعاد تخلي السيارة شغاله كذا ... ترى فيه ناس تلطش وتمشي ..
الا اذا كان عندكم بالجبيل مافيه سرقات مثل الرياض هذا شي غير .
.
.
نواف ... اكيد قنصب ضبان ... مافي ذاكرتك حادثة مضحكة حول هالموضوع ؟؟

وكذلك البحر دامك بالجبيل ... وش علاقتك معه ؟؟
وتعرف تسبح والا لا ؟؟
ويقولون الجبيل فيها سوق سمك مهوب صاحي .. تحب السمك يانواف ؟؟
وقل لي اطرف موقف لك في اول مره تدخل سوق سمك ..
تخبر البدو لنا حركات على الوهلة الاولى لشيء جديد ..
.
.
.

 

[نواف التركي]

وكنت بسألك سؤال حول هذا وهو :
هل تتوقع ان الجو له تأثير على الشاعر ؟؟ واعني الطبيعة ومايواكبها من جمال ؟؟
وهل لو كنت انت بهكذا مكان هل سيتغيّر شعرك بـ نهجه ونمطه وصوره وخياله ؟؟


ربما فـ في التاريخ قصّه لـ شاعر قدم من الباديه ليمدح الخليفه فكان ضمن قصيدته بيت يقول فيه
أنت كـ الكلب في الوفاء // وكـ التيس في قراع الخطوب
طبعاً الخليفه يعلم أن هذا الشاعر على سجيّته ويقصد المدح عكس ما فهمه أهل حاضرته فأمر بأن يعطى بيت في بغداد وأن يقيم فيه لمدّة سنه فبعد هذه السنه قال الشاعر بيته الأشهر :
عيون المها بين الرصافة والجسر /// قتلنني من حيث أدري ولا أدري ..... أكيد الطبيعه تشكل الشاعر.
.
.
وبعدين تعال .. لاعاد تخلي السيارة شغاله كذا ... ترى فيه ناس تلطش وتمشي ..
الا اذا كان عندكم بالجبيل مافيه سرقات مثل الرياض هذا شي غير .
.
.
نواف ... اكيد قنصب ضبان ... مافي ذاكرتك حادثة مضحكة حول هالموضوع ؟؟


والله مدري بس هذي عاده بايخه ومو راضي أفتك منها ,
أما الضبّان فـ هذي ايام توّنا صغار خذ عيال والله ما يفر , الحين لو أشوفه يمكن أهج .

وكذلك البحر دامك بالجبيل ... وش علاقتك معه ؟؟
وتعرف تسبح والا لا ؟؟
ويقولون الجبيل فيها سوق سمك مهوب صاحي .. تحب السمك يانواف ؟؟
وقل لي اطرف موقف لك في اول مره تدخل سوق سمك ..
تخبر البدو لنا حركات على الوهلة الاولى لشيء جديد ..
.
.

البحر لا أحبه بل من شدّة كرهي له لا أمر بجانبه رغم أنه لا يبعد إلا 300 متر من سكني , والسباحه هذي عجزت لا أتعلمها لدرجة إني غشيت عشان أخذ الشهاده لأن في عملي لازم تكون تجيد السباحه رحت جبت واحد من عيال عمي يشبهني وأشوى مشت عليهم وتوظفت .

السمك والله أحب أكله بس ترا مو غريب علي أبد أنا قبلها ولدت بالكويت والكويت دوله ساحليه وأسواق السمك هناك ضخمه ولذيذه .

 

[نواف التركي]

إلا تعال أبي منك أربع مفردات خاصه بلهجتك أنت أو بقبيلتك لاحظ خاااااااااصه لدرجة تحتاج لتفسير منك وتوضيح لمعناها يعني غير دارجه في القبائل الأخرى .

 

[نواف التركي]

تدري عاد سلطان

شكلي أنا وياك نخوّف

أشوف كلها زوار الأعضاء ولا وحيّد وحيّد تصغير واحد يسنتر هنا .

 

[سلطان الدوسري]

المشاركة الأصلية كتبت بواسطة نواف التركي

إلا تعال أبي منك أربع مفردات خاصه بلهجتك أنت أو بقبيلتك لاحظ خاااااااااصه لدرجة تحتاج لتفسير منك وتوضيح لمعناها يعني غير دارجه في القبائل الأخرى .

من الناحية هذي لو تسمع هرجنا ياهل الافلاج وخصوصا " الهدار " ضاعت
علومك وتبي لك قاموس المحيطات مو المحيط ..

السّقف : تعني ( الدريشة .. او .. النافذة )
تراز : تعني ( فلفل )
وش وقعك : تعني ( وش اخبارك او علومك )
ياوييييييه : ( كلمة تعجبية من شيء ما )
.
نواف تدري اني اصلا من الافلاج .. ومولد بالرياض الى عمر 10 سنوات ... وثم عشت مع
العتبان في منطقة الداودمي ... وثم رجعت للرياض ... يعني مراحل متعددة ..
والحمد لله املك لهجات عديدة
.
.
.

 

[نواف التركي]

المشاركة الأصلية كتبت بواسطة سلطان الدوسري

من الناحية هذي لو تسمع هرجنا ياهل الافلاج وخصوصا " الهدار " ضاعت
علومك وتبي لك قاموس المحيطات مو المحيط ..

السّقف : تعني ( الدريشة .. او .. النافذة )
تراز : تعني ( فلفل )
وش وقعك : تعني ( وش اخبارك او علومك )
ياوييييييه : ( كلمة تعجبية من شيء ما )
.
نواف تدري اني اصلا من الافلاج .. ومولد بالرياض الى عمر 10 سنوات ... وثم عشت مع
العتبان في منطقة الداودمي ... وثم رجعت للرياض ... يعني مراحل متعددة ..
والحمد لله املك لهجات عديدة
.
.
.

وش وقعك : تعني ( وش اخبارك او علومك )
ياوييييييه : ( كلمة تعجبية من شيء ما )

هذولي موجودات عندنا غيرهم