شعراء أبعاد المشاركين في شاعر المليون هذا العام

[أكرم التلاوي]

وهذه ِ مشاركة شاعرنا الجميل فيصل الباهلي بعنوان " بلا قيود " والتي أهداني إياها عبر بريدي , فازدان بها , أتركها بين أيديكم وكل شكري لفيصل وامنياتي له بالتوفيق واعتذاري منه على التأخر في نشرها :


[poem="font="simplified arabic,5,darkred,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]إصعد على متن الثقافة للإبداع = إن كان لك شف بمجـال البـراعة
منتب ورى إستنساخ الافكار منصاع = لهم قناعة وانت عندك قنـــاعة
لاتلتزم بالغير وتكون تبـــاع = شق العصا بالقـاف من غير طاعة
تفرد بحرفك ودندن بالاسماع = بالشعر تفلح لاتركت الجماعة
كونك تفارق بالشعر أهل الاجماع = هذي تراها بالحقيقة شجاعـة
مقيد ٍ نفسك بلا قيـد منــاع =على الاقل يافلان ساعة وساعة
الحر يكفخ للسما مابغى القاع = عن الدنو محشوم عنده مناعة
لاتحسب إن العبد من كان ينباع = العبد من فكره عديـم الصنـاعة
سر ياقلم والبارحة كلي اوجاع =هذا كلام ٍ قد سئمنا سمـاعه
ياراعي الكربون ماللحكي داع = السهم ما والله يـزيد ارتفـاعه
اللي يحب الارض ويعاف الاقلاع =لابد تقصر نظرته واطــــلاعـه
الريح نعمة والبحر موج وصراع = والشخص قارب والتفكر شراعه
أنا زبون الخصب والراس طماع = لو اقطعه لحظات حس بمجاعة
مستنجد ٍ بالنور من فكر لمـاع = كوّنت شمس ٍ مشرقه من شعاعه
والامعة محقور في كل الاوضاع =ماله إلى حان التقاضي شفاعة
رغم الهزل والمسخرة حد الإشباع = أكبر مروج للفشـل والإشاعـة
ودام الأبو للإبن محْبط وقماع = عزم الإبن لابد يعلن وداعـه
إلى متى نوقف عبث ضد الابداع = متى نتحرر من قيـود الجمـاعة[/poem]


لك ودي يا فيصل ودعواتي بالتوفيق