حـ.ـ.ـ.ـ.ـ.ـزن الـ.ـ.ـ.ـدور..!!

[عبدالله بن صخيل]

لجميع الأحبة..للغياب...للشوق...للحب..
نص أتمنى أن ينال أستحسانكم...

[poem=font="simplified arabic,6,firebrick,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
حبيبي سمها كذبـة غـرام أو كبريـاء شعـور=لك الله ماتـت البسمـة بعـد ماطـول غيابـك
هنا مات الوفا الصادق وطار من الجفا عصفور=هنا بعثّرتني بريح الغيـاب وعتمـة عتاابـك
هنا كانت حكاية معطفـك والعطـر والديجـور=هنا كان المكان احلى يفيض بريحـة اطيابـك
هنا ضاقت علّي الدور واستلهم ياحزن الـدور=وانا أذكر سالفة صدك غـرورك لفتـة أهدابـك
فراقك هم والغلطـة كبيـرة والصـدور قبـور=واحس أني على بعدي معاك أقرب مـن ثيابـك
رحلت وماتركت ألا صـواب وخاطـرٍ مكسـور=وقلبٍ مات من كثـر الجفـاف ولاتهنـى بـك
احبك حسبك الله ليت ماحبـك ياسيـد الحـور=تراك انت الوحيد اللي بصدري أمسـت ركابـك
عليك الله وامانه لو تخـون الموعـد المذكـور=أنا ماخون موعدنـا لـو أن الشـوق ماجابـك
ثلاث سنين من عمري واحس أن السنين شهور=عسى باقي السنين المقبـلات الجـرد تزهابـك
ياغالي والله أنه ماتضيـق الا علـى المقهـور=وانا بعيني فجوج الكون كم ضاقت من اسبابـك
أنا من فك لك صدره وقال احكـم بـلا دستـور=مدام القلـب بيتـك والظلـوع العـوج اطنابـك
كتبت أحلى مكاتيب الغرام وجيت لـك مغـرور=أحسب الوقت يمديني واحسب العمر يزهى بـك
أذا كان الشعر غاية عشان يصير لي الجمهـور=حشى مابرر بشعري عشـان أفـوز باعجابـك
واذا كان الغلا الصادق حكاية لجل أعيش الـدور=أجل وشلون يوم أذكر غلاك أمـوت واحيابـك
عبث كل السنين اللي تمـر العاشـق المغـرور=ولكـن بطـل غيابـك عسى الله يقطع غيـابـك [/poem]

تسجيل خروج
.
.
.
.

[poem=font="simplified arabic,6,gray,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
فرحة واشوف الكل يرسل تهاني=وانا على رصيف الأحزان شفني
أبعترف: كل شي في الكون فاني=ألا أنت {حااااجه غـــير} ماضن تفني..![/poem]

 

[ناصر بن حسين]

/
\






اول غارق هنا

 

[قايـد الحربي]

عبدالله التومي
ــــــــــــ
* * *


أرحبُ بك كثيْراً .

:

هَذا الحُزن : مُزن ..
و نَحْنُ المُستَسْقُوْنَ شعْراً كَهَذَا ،
حَيْثُ يُعْشِبُ الفِكْر وَ تَنْموْ الذائِقة .

:

كلّ الشّكر لك .

 

[ميــرال]

ياالله ياعبدالله
كثير الشعور اللي ارتبكني
ماهو شعر سحر
وجنون

 

[ميــرال]

أنا من فك لك صدره وقال احكـم بـلا دستـور
ــــ مدام القلـب بيتـك والظلـوع العـوج اطنابـك


يسعد مساء الشعر والغياب

 

[فهد مفلح]

كل عام وانت بخير ياعبدالله


ياسلام عليك

هنا
,,,
,,
ياغالي والله أنه ماتضيـق الا علـى المقهـور
وانا بعيني فجوج الكون كم ضاقت من اسبابـك

أنا من فك لك صدره وقال احكـم بـلا دستـور
مدام القلـب بيتـك والظلـوع العـوج اطنابـك

كتبت أحلى مكاتيب الغرام وجيت لـك مغـرور
أحسب الوقت يمديني واحسب العمر يزهى بـك



صح لساااانك ياجميل

 

[جُمان]

صوتُ النّص كـ حُنجرةِ نايٍ تعزِف الغيّاب
يهمي من ناحِليك ليستوطِن الوقت والذاكِرة

عبد الله التومي ..

تَجنَحُ بِنا إلى الجمال حيثُ كان
شِعرٌ كـ هذا يمنَحُنا الاكتِفاء


رائع جداً

.
.

 

[ناصر حطاب الدهمشي]

0
0

حبيبي سمها كذبـة غـرام أو كبريـاء شعـور
00000000000 لك الله ماتـت البسمـة بعـد ماطـول غيابـك
ماتموت البسمة و الشعر يتنفسك ..

عبث كل السنين اللي تمـر العاشـق المغـرور
0000000000 ولكـن بطـل غيابـك عسى الله يقطع غيـابـك

عسى الله يقطع غيابك
عسى الله يقطع غيابك
عسى الله يقطع غيابك
عسى الله يقطع غيابك

و أنا أقول : عسى الله يسامح اللي حرمونا شوفتك على شاطي الراحة ..وكفى
عبدالله التومي .. الشعر فيك يشعر بالكبرياء ..
كل عام وأنت بخير يا شعر
أحبك كثير
.
.
ناصر الدهمشي