إحساس يــ غ ــمر الأنفـاس

[رزان العتيبي]

ومات الحلم !
لا مامات ..
أنا اللي مت ف/غيابه ..

أنا اللي كنت محتاجه ..
لكوب أحزان .. ينثرني [ عتاب و آه ] ..

ياجرحي بس ..
أنا ماقلتلك إسكت ..
بلاش تعيد موالك ..
إلى من (ا) ذكروا إسمه ..

لإني مت ف/بعاده ..
وضاعت كل أحاسيسي ..

ياربي شلون نتواجه !
لو إن هذا الزمن يلعب ب/أمانينا ..
ويجمعنا بصدفة همْ ..

 

[رزان العتيبي]

لاتلوم القلب لو صرّخ وعافك
ــــ حتّى نفسي والله اني ماابيها

 

[رزان العتيبي]

عصفورتك للحين تعزف أغاني
ــــ في صوتها أرتاح وأذكر زمانك

قلّي على الله ماسرى بك زماني
ــــ ودّي تجيني برتوي من حنانك

 

[رزان العتيبي]

مادريت .. البارحة عنّك سألت !
كل الأغاني .. والسنين ..
كل الأماني .. والحنين ..
حتى الزوايا .. ف/بيتنا ..
وأوراق عاشت بك .. آنين ..

مادريت .. كلهم بكوا ..
كلهم .. عن ايامك حكوا ..
عن كيف .. كنا مع بعض ..
عن كيف .. كنا نجتمع ..
عن ضحكنا .. عن فرحنا ..
عن حزننا .. لمّا ننام ..
عن آخر أحلام الحمام ..

مادريت .. والا اصلاً مايهمّك !
قلب في بُعدك .. يموت ..
والله أدري .. ما أهمّك ..
لكن إحساسي يبيك ..
ودوم يسألني عليك ..
وينه اللي به أكون ولا أكون .. !
وينه اللي يملى فوضائي سكون .. !
وينه اللي يقلب أحزاني جنون .. !

وكل هذا .. ومادريت ..!
إنك إنت اللي أبي .. وإنك اللي محترق قلبي عليك !


يآآآآه .. ياقوّك عليّ ..

 

[رزان العتيبي]

من أول الحلم .. لين آخر حكاياتي
ــــ لدروبك اللي بدونك .. ماتمشيني

ناديت وينك .. ! وجاوب عنّك سكاتي
ــــ أبعد وأظنه نسى حتّى .. عناويني



الظاهر حتى الشعر متأزم مع الإختبارات

 

[رزان العتيبي]

لاصرت غايب أبي بالله تاخذني
ــــ لأول طريقٍ تضمه رجلك اليمنى

تعبان أدري ولكن صعب تتركني
ــــ لأني بدونك حكايه مالها معنى

 

[رزان العتيبي]

ياخطوة البعد ضمّي أخر أنفاسي
ــــ يمكن ليا ضاق يتنفس ويذكرني

يمكن ليا ضاق يتنفس ويذكرني
يمكن ليا ضاق يتنفس ويذكرني

 

[رزان العتيبي]

وأصيح شلون خلّوني ..!
ياكيف قلوبهم طاعت ..
تروح بدون تاخذني !