إحساس يــ غ ــمر الأنفـاس

[رزان العتيبي]

أنا مدري وش يحسّون فيه اللي يسرقون القصايد
يعني إحساس غيرك .. تجي وتنسبة لنفسك ليش

صحيح السرقة دليل النجاح

بس همّ أحاسيسي تهمني أكيد وماارضى بسرقتها

 

[رزان العتيبي]

نايم .. يانظرة عينه اللي تطّلين ..
كلّ ماتقلّب .. قلتي والله صاحي ..

يحلم أنا أدري .. بس ودّي تنامين ..
يرتاح خيّي .. في رقادٍ صباحي ..

ياربّ .. خلّه .. وإحفظه لي من الشّين ..
يبقى لعيني نظرتي .. وهو سلاحي ..


" عسى ربي مايحرمني قربك ياخوي .. ويخليك لي ياقلب إختك "

إهداء أصغر من قدرك .. أدري ..
بس وربي حروفي صغيرة قدامك ..

الأبيات لأخوي الكبير .. وكلّ ناسي ..

 

[رزان العتيبي]

أن تحتاجك ..
يعني أن تنظر داخلك ..
" فلا تجدك فيك "
لِ أنك بسهولة أصبحت معهم ..
حينما رحلوا !

 

[رزان العتيبي]

كنت أحاكي هال " رياض " ..
شلون هي حلوه بوجودك ..

وصارت تحاكيني إنها ..
موحشه زحمه بدونك ..

كل شئ فيها بكاك ..
صبحها سافر معاك ..

حتى هالـ " ليل " اللي فيها ..
تاه نبضه في خُطاك ..

والشوارع !
..... والمباني !
........ و الأحاديث القديمه !
كلّها تصرخ تبيك ..
نبضها صار بيديك ..

وجتني تسألني الـ " رياض "

صدق راح وماخذاني !
ـــ صدق مو ناوي يعود !
منهو بيعلّم زماني ..
ـــ إني وحدي له وجود ..

وصارت تهذّري ال " رياض "

" أكسجيني .. من يجي يتنفسه !
ثاني اوكسيدي .. من اللي يجمعه !
صدري الدافي .. من اللي يسكنه !
دمعي الخاين .. من اللي بيمسحه ! "

وآه ياطول المسافة
ـــ بين أقدامه وترابي
خاطري أحضن أمانه
ـــ وأغفى في صدره ثواني

شفت وش صاب ال " رياض "
يوم أنفاسك جفتها ...

{مثلها بالضبط حالي
...............وهي أقلّ منّي بكثير }

 

[رزان العتيبي]

كنت أحضن وصالك حلم
ــــ أغفى على صدره وأنام

صرت أسهرك جرح وألم
ــــ وأنثر تفاصيلي حُطام

 

[رزان العتيبي]

وإذا ذاكرت .. وقدّمت إمتحاناتي
ـــ كتبت اللي أنا حفظته على الأوراق

وإذا حلّيت .. جاوب ماهو الآتي
ـــ من أوّل سطر ف/الصفحة إلى الأعماق

وجاني هالخبر بكره .. وأنا أحاتي
ــــ نجحتي .. وربي عوض لك سهرك الشاق

لإن المسأله كلّها .. زمن عاتي
ـــ بتبقى نظرته ليّا .. وليدٍ عاق

 

[رزان العتيبي]

الحياة :

صفحة مليئه بالسواد .. لن تستنير إلا بقلم من نور ..
كان حبره رضى الله .. وريشته يقين ب إيمانه ..

 

[رزان العتيبي]

جمعت الحِزن بكفوفي وبروزته على الحايط
ـــــ بصوره كانت تحاكي تعب هالحال وسنيني