أجنحة وأغاني

[مشعل فايح]

(لبوحٍ) قديييم يتجدد

عبث.. رشّوا العبث فينا عشان نغيب
عبث مدّوا الهجر حبل سكن فينا

عبث كانوا جهل ما يسمع الترغيب
بأنا رغم كيد احبابنا جينا

نجي دايم على اطراف الضيا تغريب
ونروح الحزن نسكت له ويحكينا

يابوحٍ استسهل الصمت بصياح الريب
لك الله انطرك من فمّي المينا

 

[مشعل فايح]

آآحّ..
مثل كسر الضلع ذكرانا
وصوتك.

صحّ.؟؟
ليه تعبتي من المحبة
ليه ناديتي سكوتك.؟!؟

آآحّ.
ما انتهينا من البدايات الحزينة
والمدينة في ضلوعي
أرضك وناسك وقوتك

صحّ.؟؟!؟!
ما انهزمتي ولا انكسرتي ولا ضعفتي
ولا طرى في بالك العمر بيفوتك.

آآآحّ..
مثل كسر الساق حزني فأنهزامك
من عنادي.. من بعادي .
وانتي احساسي وحياتي رغم
موتي..
صدقيني.. كنت اصدق اني أحيا
بس ما صدقت موتك.!!!!!

 

[مشعل فايح]

رمحك تشظى.. وطاش وفتّق متوني
لو هو بصدري تكسّر... قبل يبلاني

مسموح واللي تبيه ابشر من عيوني
ماهوب انا اللي اردّ طعون خلاني

 

[مشعل فايح]

ينام الضيّ واستوقد من الذكرى الم وافراح
واسامر حرفي المتعب واقول لغربتي : نامي

ينامون الحبايب واشعل عروقي من المصباح
وامد الـ ليلتي عيني وامدّ لعيني ..... أبهامي

من اللي جا ولا سلم وطالع لي شوّي وراح
هي انتي او هي انتي او هي انتي او هي ايامي

 

[مشعل فايح]

نامت عيون الليل
فأحضان الاحباب

 

[مشعل فايح]

لا ترتبك

رتّبك.. بين القصايد

حرف للعيد

وقلايد..

واكتبك عمر جديد

 

[مشعل فايح]

يا طفلة عشقي المجنون
ما شفتي عقلي من عام.؟

شمسك ما يكفيها الكون
لكنك.. تيه واوهام.

الضلع التايه مسكون
بالأسامي والاحلام

وراح العمر لهالمسجون
والسجان بسجنه نام

 

[مشعل فايح]

غفت على وسادة ملام
عينك
وانا الكلام اللي سهر
على الحنين
كل العمر
يشرح حكايات السنين
للغربة والحلم والسلام

هاتي يدينك هالكثار
بصدري المطوي مرار
بشمها لجل القمر
يعذر ليالي الانتظار
ويمسح جبينك
ويبوس عينك
هاللي غفت على وسادة
ملام
وخلت عيوني للسهر
والانتظار