إحساس يــ غ ــمر الأنفـاس

[رزان العتيبي]

عشق ممتنة لريشتك يانقيّة ..

لا ضقت عادي مايهم صرت ألتحف همّي وأنام
ــــــ أعبر حلومي مامعي إلّا جراحٍ مُوجعه !

ياما تسللت السّهر أبكي وألملمني حُطام
ــــــ وألقى تفاصيلي ألم مجنون منهو يجمعه !

 

[رزان العتيبي]

وسوست لك غيب لكن لاتودعني !
ــــــ وإن رحت إرجع مُميته حيل غيباتك !

تدري التناقض عشانك قام يسكني !
ــــــ ودّي بقربك وموتي حين [ جيّاتك ] !

القلب أصلاً بدونك دوم يوجعني !
ــــــ وإن قلت طيّب كلامي كبر كذباتك !

صح إنّي أطلب غيابك بس صدقني !
ــــــ ماهو عشاني عشان تعيش مأساتك !

 

[رزان العتيبي]

الصّيف حرّ ..
وكلّ همٍ معاه { يطلّ !
ذكرى يوم ودعتك ..
وشارع بيتنا ,
............... والظلّ ,


وساعة حايط الغرفة ..
إلى من حان { موعدنا !
تحاكيني ,
يعني مُستحيل يعود !
يسلّي هـ الثواني بي ..
ويحكي لك ,
روايات العشق وشلون [ تشبه له ]
ويعزف لك ,
مواويل السهر و [ الشّوق ]


وتبكينا ,
ثواني كِنّا نسهرها ..
وشباكي ,
معاي يصيح ..
هِنا كنّتي { تغنّي له ,
"حسبت أشواقنا غابت "
ويهمس لك ,
مُحال تغيب !
ياكيف تغيب !
وهي أصلاً معاك تفوق ..
تشرق كلّ يوم بـ عيد ..


وأحسّ إنّي أنا { أشبه لك ,
صحيح بعيد ..
ولكن داخلي [ عايش ]
أنا أشعر بك ,
مع نبضي ,, وتنهيده ملت صدري ..


وهذا الصّيف ,
كلّ ما { طلّ !
شعل جمر إنتظاري لك !
وزاد الحرّ في جوّيّ ,

 

[رزان العتيبي]

أعدّ أصابعي بعدك ..
وتطلع ماهي بـ/عشره ..
يـ الله ..
أكيد إني غلطت شوّي ..
وأردّ أعدّها ثاني ..
وتطلع بعد مو عشره ..
يووووه نسيت ..
هذا اليوم أوّل يوم بـ { غيابك ..
ونقص إصبع ..
الله يعينني بكره ..
بيرحل واحدٍ ثاني ..
وأردّ أعدّ ..
من أوّل ..
أحاتي كيف لوّ راحت ..
كلّ أصابعي وياك ..
يـ الله ..
يعني بترحل
[يديني ] !
وبَعَدْهَا أكيد
[ رجليني ] !
وبعد مدّه شهر شهرين ..
أكيد ألقاني بـ { جنبك ..
مدام إنها بدت ب إصبع ..
أكيد بتنتهي فيني ..

 

[رزان العتيبي]

ياشارعنا ,
متى نرجع !
ونتلاقى على أرصفتك ..
مثل أوّل ..
ولانخجل من التلويح ..
ومن قولة ..
[ عساك بخير يانبضي ! ]

ياشارعنا ,
تغيرنا .. نسينا شلون نتلاقى ..
بدون الخوف ..
نسينا .. كيف كان الضحك ..
يملى دوم جمعتنا ..

ياشارعنا ,
غدينا كبار .. صعب كل شئ يجمعنا ..
حتى ضيق أرصفتك ..
بكى من حين فُرقتنا ..

ياشارعنا ,
أبي أسأل .. إلى هالحين تنطرنا !
وذاك الكرسي الأخضر ..
إلى هالحين يذكرنا !

ياشارعنا ,
تعبت أذكرك في نومي ..
وفي صحوّي أشوفك دوم ..
وكلّ مرة أنا أمشي بك ..
أحسّ بشئ يخنقني ..
وينكرنا ..

 

[رزان العتيبي]

عيني كفاية رفّ الله يخلّيك
ـــــ الغالي اللي راح مااظن يرجع !

بالمناسبة إشتقت لهذا المكان :$

 

[رزان العتيبي]

متى انسى ..!
أعاند هالقلب وأقسى ..

أرحل في متاهاتي ,
وأضيّع كلّ آهاتي ..!

متى أرحل من أوهامي ..!
إلى { داري ,
وأحسّ إني ملك نفسي ..
ولابه شخص ياخذني .. وينساني !

متى بسكت عن أسئلتي !
وأحفظ كلّ { أجوبتي ,
وأقول إن العمر لحظة ..
تمرّ وتحضن أفكاري ..
و
[ تقراني ] !

وتنفيني إلى سكة ..
نهايتها ,
يـ إمّا فرح ب|أسبابي ..
يـ إمّا حزن و ,
ب|أسبابي ..

ويصبح هالقبر بيتي ..
ولا حد منهم يذكر ,
أنا وش كنت أعني له ..
أنا في يوم مرّيته ..
أو إني متّ وحداني ..

وياكثر الـ [ متى ] فيني !
إلين أتعبت إحساسي ..
على { ناسي ,

 

[رزان العتيبي]

أسخف مواقفنا هي أوقات الوداع
ـــــ يوم كلٍ ودّع الثاني بـ { دموع

لا تقول [ أرجع ! ] ولا أقول إلتياع
ـــــ الحكاية وقت / حب ثاني / خضوع

الفرق إنّي رويتك ب { إقتناع
ـــــ والمصيبه صاحبي م أنت ب|قنوع

قلت رايح تجمع [ إحساسك ] وضاع
ـــــ قلبي اللي صاح ف|بعادك جزوع

لاتردّ أرجوك يكفي { إنصياع
ـــــ لا تجي للدرب مابي لك رجوع