.. وشوشة

[ناديه المطيري]

[ البــال ].. لا مرّيت به صار بستان
يفداك وَرْدَهْ ,, والشّجـر والعصافيــر

.



.

 

[ناديه المطيري]

.

.

دِنْياي وِشْ هي ؟ دون ضِحْكَةْ عِيونِك!!
......................... إِضْحَكْ | وَلا هَمِّكْ مِن ( حْروفُهُمْ ) شَيْ
إِضْحَكْ | وبِعَثِرْ فـ الحنايا جنونك
......................... إِضْحَكْ | وَادَوْزِنْ ضِحْكِتِكْ لِلظُّما ( مَيْ )
إضْحَكْ | وِتَزْهِرْ في ضُلوعِي غُصونِك
...................... إِضْحَكْ | وَاسولِفْ ضِحْكِتِكْ لِلْمِسا ( ضَيْ )

.


.

 

[ناديه المطيري]

وينه ؟!! وادوّر بـ السما عن دروبه ؟!!
.................... لا الشمس تدري ,,لا المطر,, لا السحايب !!

أسأل ,, تموت الأسئلة في ( غروبه ) !
.................... وتبقى الإجابة حايرة!! ( ليــه غايــب ؟!!! )

.



.

 

[ناديه المطيري]

ماجيتِـلِكْ أَشْفـي غَليـل احْساسِـكْ
............................جيت اكْسِر اغْلالِكْ ... وَافِكّ ازْراري
جيت ازْفِرِكْ ... وَارْمي ثِياب انْفاسِكْ
.................................ماهَمِّنــي قَلْبــي تِشوفَهْ عــاري

.



.

 

[ناديه المطيري]

يـَ اوَّل اللّيل يا لَحْظَة تِقَضّ الصّدور
........................... هو صَحيح الْمُواجِعْ مِسْتِباحَة لِنا ؟!

يـَ اوَّل الصِّبْح يا وَجْهٍ تِباشَرْ بِـِ نور
............................ليـت تَغْـزِلْ أَمانينا | خِيـوط السَّـنا !!

.


.

 

[ناديه المطيري]

أَحْيان احِسّ انّ الْعُمُرْ جِداً حَزين
..........................مِثْلَ الْغَمام اللّيْ فِقَدْ روح الْمُطَرْ!!

أَيْلول راح وْمابِقى غير الْحَنين
............................وِشْوَيِّة احْلام وْمَناديل وْصُوَرْ!!






.



.

 

[ناديه المطيري]

ماتِمَنّيت الحَصاد يْكون فات
..................... لَجْل اسولِفْ لِلْسنابِلْ وِالْحَمام

.



.

 

[ناديه المطيري]

.

.

أَحْيان احِسّ انّ الشِّعِرْ يِتْهَرَّبْ
لا مِنْ دَعيتَهْ لِلسَّـهَرْ لَاوْراقـي

.


.