لا تجي مثل السراب اللي يعذّبني معاه ..
............................. إنت شكل إصويحبي .. وآنا إنذبح وجدي عليه ..!
خذني بأحضانك بأسولف عن حنيني .. من غلاه ..
............................ وْعن محبّة كنت والله ما أصدق تنتهيه ..!
أبتديه إن شفت بعيوني بدا لي منتهاه ..
............................ وْ يبتديني من نهاياتي على ضمّة يديه ..!
كنت أحسّ إنّي أبوه وكنت أحسّ إني دفاه ..
............................ لو يشتّي الوقت باحزانه .. من أحزانه يجيه ..!
وْ كنت أحسّ إني أخوه اللي يظلّه في حماه ..
............................ وكنت طُهره .. وكنت حبّه .. وكنت روح ٍ تصطفيه ..!
لين ما هبّت رياح الوقت وأبعد في خُطاه ..
............................ وْلا بقى بالدرب ورد وصار كنّه شبه تيه ..!
كِثْر ماكنت انطفي في شعلة اشواقي بْحراه ..
........................... أشعل أنفاسي يقين .. إنّه يجي لي .. وأحتريه ..!
صاحب ٍ لي إستوطن أحلامي و إحساسي ونفاه ..
........................... وقتي اللي كل عذره بس لأني اهتويه..!
إيه .. يا هذا تشابه ذاك في طبعه وحلاه ..
........................... وْكيف أدينك .. وإنت ذنبك به شفاعات الوجيه ..؟!
لا تجي مثل السراب اللي يعذّبني معاه ..
............................. إنت شكل إصويحبي .. وآنا إنذبح وجدي عليه ..!
.
.
لكل من مرّ من هنا .. 
محمد
آخر المشاركات
07-10-2010, 03:46 PM
خذني بأحضانكـــ ..!
العرض الشجري