تعال / وإنفض غيومي !

[مشاعر تائهة]

ما كذبت إلاّ على هذا الحنين
ياللي عينك مالْمحت صادق وفاي

لاتقول الجرح يا خلّي دفين
أنت أفاك تغار من طيحة أفاي

إن خذلتك والعذر ماهو سمين
ماعليك الوقت بيّن ( وش خفاي )

جاي تاخذ ما بقى من آهتين ؟
ماتت آهي تنتظر تحسبْك جاي

جاي تمسح ما بقى من دمعتين؟
جاي تثني نيّه / تحرّض جفاي؟

دمعتي بعدك إذا كانت تبين
العزا صوتي ولو مبحوح ناي

يطرب العالم بإحساسه إلين:
سالت العزّه على (عطشاك) ماي

تزرع إجحافك بدرب الحب تين
وأجني قلوب ٍ مجوّعها ( رضاي)

صوتي اللي متعبه (قلبي حزين)
وقلبك اللي مفْرحه طيحة أناي

قلبك النسّاي ماهو [بي] سجين
وقلبي الذاكر تركته لك وراي

منهو قدّك بحت لك سرّ الكنين
ومنهو قدّي موتتي سبّة عطاي

اوقف بسكة فراقك مدري وين
أو لمين أروح / يادافن غلاي

طيحة الشجعان من ذلّ السنين
عشتها البارح وأنا أشكي ضماي

من قسمت الخير لأجلك كسرتين
من هلك من تضحياتي لك (سواي)؟

يا صباح التيه بعيون الحنين
أشرقي بكره وغني من غناي

بشّريهم ان جرحي صار دين
وبكره يغثه غيابي لو غثاي :

كاذب وعذره تغنّى تكذبين
ويكسر الخاطر اذا ماهو : معاي