بكالوريوس بطالة !

[صالح الشملاني]

المشاركة الأصلية كتبت بواسطة عليا الشمري

.
الإهداء :
لهن جميعاً .. ولـ / وطني الحبيب أيضاً !

[poem=font="simplified arabic,5,black,bold,normal" bkcolor="transparent" bkimage="" border="none,4," type=2 line=0 align=right use=ex num="0,black""]
يابلادي هاليتيمة زاد يتمه=وأنتِ أم الخير وعيالك كثار

لاتزيدين المواجع فوق سقمه=إنظري لي لو ثواني باعتبار

دفتري عاجز من الخيبات أكمه=وعيني من الدمع ماتبصر نهار

مابغت بنتك سوى تحقيق حلمه=بالحلال تعيش لافات القطار

لامتى واليآس طاوينا بظلمه=عيننا تبصر ويدّينا أقصار

ألف وإلا الفين ماهي عدل قسمه=لمن حمل همه وبرقبته كثار

يخنقه حس الفرح والعيد خصمه=مامعه حق ابتسامة باختصار

مل صبره والسما يابلاد عتمة=لا هله أهله ولا هالدار دار

خمسة أعوامٍ قضت في جمع علمه=والنهاية عاطل بصف انتظار

ضيقوها بالشروط وطاح أسمه=بين إقامة دار وقياس إختبار

ياوطن وأجروحنا كبرت وحسمه=في يدك ماهو فـ / يدّين الصغار

أعطنا ياسيّد الأوطان نسمة=أختنقنا والنفس بس احتضار

مانبي فضلة ولاصدقة ولقمة=ودنا نحيى على شرع الحرار

ولانبي من مجلس التشوير حكمة=وتوصية تُطرح ويرفضها كبار

لان خيرك فوق وفوق وفوق سهمه=مرتفع مامر في سوق انحدار

مدتك للجار والمحتاج دسمة= من ندى كفك كسى العالم خضار

أقربونك بالعطا أحق وأسمه= من معك وإن جاء هدير الحرب طار

كم لنا نرسم وراء الأوهام بسمة=والصحيح قلوبنا تسعر بنار

وسط حلقي تزدحم مليار كلمة=ووسط عيني دمعي الثاير شرار

لامتى احنا على بابك ياخدمة= نشعل الآمال وتعوّد بوار

وليه نتعلم مادام العلم رسمه=تنمسح بكفوف صنّاع القرار ![/poem]

صرخه بي أذن الوطن .. لنجآة من مأساة اكسجين الوطن !
نص انساني من اصدق واقرب واحزن النصوص الشعريه اهنيك عليه ياعليا
يحكي قضية مجتمع عميقه بي أكمله عانا منها الكثير وعآشت سنوآت طويله في رف الشح وزمن الوآسطه والنفاق والفساد !
( حسبي الله ونعم الوكيل )
هـ النص لهن ولنا .. شكرأ لك كثر أرقام الخدمه وصح الله السانك ..