بوادر نحيب!

[فهيد العديم]

[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
اشرعت للصمت بيبان الكلام الرحيب=أبيه ينهي شعورٍ ماقدرت ابتديه

تعبّت أجدّل ظنوني والمسا مايجيب=إلا أغاني حصاد وخيبة الحلم فيه

والشاعر اللي توجس بالمتاهات ريب=ان خانه الشمع يشعل للأماني يديه

يرحل مع التيه ..يتأمل بصمتٍ مُهيب=يتوه..يلقى بتيهه الف درب يهديه!

يمرّ.. مثل الشجن في أُغنيات الغريب=لا قاسم الليل حزنه والظنون تحديه

وتطل من ذكرياته ضحكة أُم وتغيب=يحاول يضّمها وتضيع بين الوجيه

هُنا..تساقط من العتمة بوادر نحيب=هُنا..تأكد بأن الصبر ماهو نزيه

هُنا..امتطى أول دروب الشفق للمغيب=هُنا انحنى للورق..كن الورق يحتويه

هُنا..توغل فـ ذاته..كل دربٍ صعيب=حتماً يؤدي لسخفٍ باردٍ يحتريه!

هُنا..تحسس ضلوعه ..مُرعبه مثل:عيب=بشفاه كهلٍ تمرّغ عزّته من بنيه

وهناك ..في سخرية ردد:سهامٍ تصيب!=طيب..يطيش السهم؟ولا زمانك نبيه؟

يرحم زمان يجي!ونصير (ذكرى حبيب)!=ويصير(الإنسان) حلمٍ ماوصلنا إليه!

أغلقت باب الكلام المستباح الرهيب=صديقي الصمت خيّم..ضجّ صمتي:أبيك![/poem]