أحلم بطيفك كل ما جيت للنوم

[مجاهد السهلي]

المشاركة الأصلية كتبت بواسطة جمال الشهري

من يوم أشوفك يبتسم باقي اليوم
و يشع في عين المخاليق نوري


وإن غاب شوفك تبتدي رحلة الصوم
وأفز من شدة عنادك و جوري


فيك الغرام بوافر المسك مختوم
ولغير روحك ما تِفَتَح زهوري


أحلم ب طيفك كل ما جيت للنوم
وأتخيل أنفاسك لو إنها بخوري

أول قبل لا ألقاك ما كنت مفهوم
ماعرف حقيقة واقعي من غروري


بينت لي وش كثر انا كنت محروم
وأجبرتني أثبت فخامه حضوري


مادام موجي ما يبي غيرك يعوم
إبحر و روح لا تردك بحوري

خلك معي دايم وأنا أوعدك بأدوم
يالي وجودك في حياتي ضروري

اقتبستُ ما تشبث به طربي حتى الثمالة

إن من البيان لسحرا و إن من الشعر لحكمة.

إي و الله .. الحب في الحياة ضروري و أي ضروري ..

لكم تمنيتُ أن يكون هذا البيت :

فيك الغرام بوافر المسك مختوم
ولغير روحك ما تِفَتَح زهوري


بهذا التغير ؛ إذن لكان كالعقد في جيد الحسناء :

فيك الغرام بوافر المسك مختوم
ولغير عينك ما تِفَتَح زهوري


قمة الروعة .. و محسود على هذه الومضات.