أنتِ بنت لماحة .؟!!

[عبدالله العتيبي]

ميـلاد عمـر الأمانـي صـوت مبحـوحـه
تأثرت نـسـمـة الشرقـي مـن الباحـة

لقيتهـا فـي جبيـن الـشـوق مطـروحـه
ترقـص طـرب والليـال البيـض ذبـاحـة

ترسم تباريـح وجـدي فـي بعـض لوحـه
ضاعت ملامـح وجــودي مــن تلّـواحـه

مـوج البحر يـوم يزعـل ويـش مصلوحـه
مايـزعـل الموج دام النـفـس مـرتـاحـة

ميـر الهـوى كـان غـربي زوّد جـروحـه
فـضـح تجاعـيـد خد البـحر وأشبـاحـه

تمتمت بعض الكـلام وقـال وش نـوحـه؟
قلبك خضر وانـت عمـرك حـول مرواحـه

قلت العفـو يـا غصيـن البـان وسموحـه
ضاعت طيـور البحـر عـن سكـة الواحـة

وضعنـا وصرنا مشاعـر فيك مفضـوحـه
كتمـتـهـا لـكن الأشـواق فـضـاحــة

سالـت عـواطف وبالي سـالـت سفوحـه
مـن منحـدر بسمتـك وخـدود وضـاحـة

في طلتك يضحك الـجـوري علـى روحـه
ويسيـح ظـل الـسنابـل قبـل مسـواحـه

تطـيـر كـل البلابل والـوطـن دوحـــه
تخـسـر وطنـها وصـوتك غاية اربـاحـه

كل السـوالـف أملـهـا وآخــر طمـوحـه
تموت قـبـل الـكـرز يجنـيـه فـلاحــة

والله وربٍ خـلـق حـسـنـك وممـلـوحـه
مـاذقـت طـعـم الحياة ولــذة الـراحــة

إلا بعد ماعرفـتـك قـلـبـي افــروحــه
صارت تصـادم بشريانـي مــن افـراحـه

روّح زمان الألـم والـهـم وجــروحــه
وانفـك عقـد المأسـي وهـل مـسـباحـه

الحزن أعلن رحيـلـة مـنـك ونـزوحــه
ومضارب الويـل ذكـرى صارت اتـراحـه

مـاودي اقـول اكثر وافـضـح وضـوحـه
ولا ودي اشـرح تـفـاصيلي على الساحـة

تعرف حبيبي غـلاكـم طالـت صـروحـه
والطيـب لو طـال حـرقة زادت اريـاحـه

انت الأصـل وانـت عمر الحـب ياروحـه
وانت الأمـل وانـت كل الـود يـا جراحـه

فيك الجـمال يحـكي عن سرمدي بوحـه
ياروعـة الكـون يا أم اعيون ذبـاحــة

ضميني اليـوم يمكـن تبـطي الـروحـه
انا هـواوي وانـتِ بـنـت لـمـاحـة