لو مات سامي واندفن حي طاريه

[مرضي البلوي]

عظم الله أجرنا بك ياسامي
وبدوري يا أخي اعزي شقيقك مرزوق
واعزي نفسي بك كثيراً يا أبن امي الحنون ياابيض القلب ..

كل مانويت انسى وذكرتني فيه
........ يضيق صدري واتراجف عظامي

لو مات سامي وأندفن حي طاريه
........ والله يامرزوق ما مات سامي

إذا تحب اخوي سامي ، وتغليه
........ ادعي وخلك في حياتك نظامي

اقل شي اليوم .. نقدر نسويه
........ ندعي لخونا عند رب الانامي

لازم مثل ماكان وافي نوفيه
........ هذا كلامي وأنت راجع كلامي

لو الحزن ينفع من الحزن نبكيه
........ انسى الحزن واهتم مثل اهتمامي

ادعي عسى ربي وربك ينجيه
........ وضحك مثل ضحكي معك وابتسامي

اللي يجي من ربي الله يحييه
........ أنا على الدنيا واهلها سلامي

الموت حق وكل مخلوق بيجيه
........ الموت للمخلوق جايع وضامي