تعال واكتب حالتك/لحظتك شعراً ..!

[حنان العصيمي]

الله يشهد غلاك بخاطري جمره
........................ينفخ بها ريح شوق وتشتعل ناري
مهما يعاند عليك الحظ تحت امره
....................... ماني معاند ولا مطالبك في ثاري
ماظن مني بجيك امرّ من تمره
....................... لكن ترحمّ علي لاجاتك اخباري
لاقالوا انه لحق همه على عمره
....................... قل كان بعدي سبب موته وانا داري.

 

[ميــرال]

قد الحروف
اللي بأسامي العاشقين
انا بحبك

 

[مشعل فايح]

حرفٍ يغافلني ويهرب من الباب
وحرفٍ يجاملني وهو مايبيني
وحرفٍ تبسّم لي وخايف ومرتاب
وحرف يساومني قساتي وليني
يعني ( شقول) لساني ان طاعني ذاب
وحقول روحي عصفها يعتريني
فيك انكسار الياس من كاس الاسباب
وانا انتصار النار عاري جبيني
لله حلمٍ مرّ بك مربك وغاب
وكل الحروف تضجّ بيني وبيني

 

[هيفاء الزامل]

زحمة أسماع ما خلّت لصوتي ممر!
...............كيف أغني دموعي فـ ابتسامة رحيل

كنت أدور سكوتي في ضجيج العمر...
....................لين شفت الأماني ما تطبب عليل

ميلة الغصن عذرٍ لأغنيات الثمر..
...................وطيحة القدر جرحٍ مثل ذبح الدخيل

يوم طاحت سنيني مثل طيحة تمر..
..................أنشرى الصبر لكن من يسوم النخيل


* ؟؟؟ *






.

 

[ساميه العمر]

أعبر الشارع معاي .. في الرصيف الثاني قهوة ..
فيها اربع طاولات .. وحده اجلس فيها وحدي ..
ووحده للي يجي بعدي .. ووحدة لأجمل حرف عندي ..
أما رابع وحدة دايم للي مات ..
زحمة .. لكن كل من في القهوة ربعي .. كلهم ..همي ودمعي ..
ليه ما تجلس مكاني .. وهذا شوفي .. هذا سمعي ..
أطلب اقلام ودفاتر .. حاول اكتب عن حقيقة ..
ما هي وجه .. ولا مكان .. ولا دقيقة ..
أدخل الزحمة فـ ضميرك ..
لا تلفّت .. وانت ما في القهوه غيرك .. غمض الدنيا ..
وأكتب .. وإن سأل في يوم سائل .. عن معاني .. عن شعور ..
قله مابين السطور ..
وإلا تدري .. قله أكذب

 

[هيفاء الزامل]

لا ورّد بصدرى الحنين لشوفتك ولاقدرت!!
الشيب ضيف
قبل يسولف لى كبرت!!
قهويته أحزان السنين ف مائدة دمع
وعبرت
مو وقتها يعنى تغيبين وأنا
من ضحكة عيونك صغرت!!


* ؟؟؟ *





.

 

[ساميه العمر]

العشق .. هو خال .. وزمام ..
والا العيون اللي .. محاجرها ظلام ..
وقبل السلام .. وبعد السلام ..
يابنت أنا أحبك .. والسلام ..
واناظرك وانتي بشعرك تلعبي .. باصابعك كل الحديث اللي أبي
ما تعبت ليلي أناظرك .. ومااظنك إنتي بتتعبي
با بنت أنا أحبك .. والسلام ..

 

[هيفاء الزامل]

كَم ليّ أحطبْ ..
مَنْ ورَى الضيقَه عنآيّ
بسسْ أكآبَر بَـ " الأمآنِي الخآيبه "
الشتَآءْ /
لو مَد كفه فِي حشآيّ
الله أعلمْ , تطلعْ وَهِيّ ذآيبَه !


* ؟؟؟ *





.