[ شتات ] .

[وجدان الأحمد]

أبسأل ليه ياخذها .. زماني ،
ودموع غيابها بالحيل : تذبح

هذيك اللي ليا غابت ، أعاني ..
تغيب فْـ بُعدها : الدنيا وتصبح

غريبه / مظلمه / والحزن جاني
وأحس إني صعب واللـه أربح !

على طاري حكاية ذكرياتي ،
وحنينٍ عاث في قلبي وفيني ..

تراني ما حكيت : إلاّ بـ سكاتي
بـ أسولف لك عن | الهم وأنيني

أنا في غيبتك .. كل دمعاتي
تسابق خطوة أحزاني ، حنيني

نعم إنتِ يا أقربهم لـ ذاتي ..
كفايه إن غبت عنّك تفقديني ،

أجي لك ضايعه بـ أغلب أوقاتي
لأنك نور هـ الدنيا و عيني ..

ألا يا دعوةٍ تختم صلاتي ،
[ ياربّي دونها ما عاد أبيني ]

أصوّت لك وأنا بـ الحيل أحاتي
بـ غيابك كل لحظه : توحشيني

ما غير إسبوع يا أكبر : بناتي
وهـ الإسبوع ما أعدّه بـ سنيني ..

[ شتات ] : وبيدها تجمع شتاتي
تسافر عني ، والضيقه تجيني .. !

خذت نور العمر كلّه
و غلاها محدٍ بـ كبره
ولا خالي ولا عمي
ولا حتّى حنين أمي

حزينة وتلبس الفرحة
تداري ظلم هالأزمان
خذلها حظّها العاثر
وخانتها : أمانيها !

طهر الأيّام كاسيها
و فيها موطن الإحساس
عسى ما يوم .. أبكيها
لأنْها هي : أعز الناس