[ مُقتَطفَات أبْعَاديّة ]

[ميــرال]

.
مطلع نهار الفرْح من مغرب الحزن

............... ياساترٍ شمس اللقا في كفوفك !

تيّبست نظرة حنانك .. ورى المزن
............... لامطرت عطف .. ولاملا العين شوفك

من ثقل كاهل موعدي .. مابقى وزن
............... يحمل بقايا عذر .. يقبل ظروفك !!

فيصل المهلكي

 

[ميــرال]

.


انا مابيه يتْمرّد على صدري ويقفل هالشبابيك ..

محمد الغشام

 

[ميــرال]

.
يـطـوي النسـيـان ثـانـي وثـالــث والاخـيــر
ــــــــــــــــــــــــــــــــــــــــــــــ يـــا أكـــون أوّلْـــكْ , والاّ تـجَـنَّـب عـزتــي


بندر الصقر

 

[عبدالله صلال العساف]

واذا طحنا
وخانتنا خطاوينا
يصير ترابنا يوجع
نطيح .. نقوم ..
نتوجع ولا نركع
ننسانا ..
تجحدنا ملامحنا

واذا نمنا
نتوسد مدامعنا

منتهى القريش

 

[عبدالله صلال العساف]

ليتني لا جا هوا الغربـة جمـاد أو ليتنـي

أزرع النسيان أرضٍ ما تعرّيهـا الوجيـه !

ادري انك لو تخلينـي أبـد مـا أخلَيْتنِـي

وانت لك في أبسط أشيائي قريبٍ واهتويـه

من زمان الشعر لاجابـك ولا بـه جيتنـي

من زمان استطعم ال(رايح) لقا ماعشت فيه

من زماااان الين جيت البارحه وابكيتنـي !

احتياجي اجتياح المقدرة من دون ليـه !!!

سما غازي

 

[ميــرال]

.

وتعانق لهفتك صدرالسحايب ذيه وذيه
.......ويبلل كل غصنـ(ن)غردت به للوله ورقه

وانا اشبك كفوفي بالفرح وادفي ايديه
...بعد بردت مشاعر شاعر(ن)طالت به الطرقه

إلى مر اكثره يجمع شتات أحلام مرميه
......على معبر ممر الذاكره لابحروهي غرقه


خلف المهيلان

 

[ميــرال]

.

وآتمــادى فـي غزلها ... واتمادى في السـكوت
ويضطرب صوتي لخجلها ... مـدري يحيى أو يموت
تنحــــني ذكراي الها ... ويُخـتزل بشـفاي توت
" صورةٍ " يرجـف لـ جلها ... صـدر واعجـاز البيوت

بعذوبه متناهيه متناهيه جداً

فهد فالح البلوي

 

[سعد الصبحي]

عُدت إلى جسدي
الحُلم مُتعِبٌ للغاية , عُدت لأستريح

:

مُغرمٌ أنا بمطالع النصوص جداً ,
وماكُتب عالياً من أروع ماقرأت كمَطلع .
بالطبع ( عِطرٌ و جنّة )