[ .. غـن لا ضاقت عليك الوسيعه غـن .. ] .. !!

[سكون]

لولا البكا ماينشرح خاطر ولاينزاح ويل=خل الكدر يطفي سعير الليلتين اللي خلت
دام العيون الليا اهملت تشفي القليل من الغليل=الله يبارك بالعيون اللي ليا ضقت اهملت
دمعة قهر تثبت لي ان اللي يحبوني قليل=ولاضحكه بوجيه ناس لي تضايقت انكلت
البارحه يوم الهموم تحط بالصدر وتشيل=والشاهد الله ماحبست بمحجري دمع وفلت
الدمعه اللي ماتهز صدور ربعي لاتسيل=اكنها مثل الجمر ولايقولون انزلت
اللي وهو مافزلي كنه محملني جميل=اجيه برجولي عشان اشكي له الحال ؟ اكملت
ماكل من شافك قوي يفرح ليا جيته ذليل=الناس لي من حست بضعف الشجاع استذلت
بعيونهم ببقى مثل ماللهبوب من النخيل=على كثر ماضامها صفق اللواهيب اعتلت
وشلون احس ان العذاب اللي على متني ثقيل=وانا ادري ان اللي تصبرني على الحزن وصلت
معشوقتي لاضاق صدري من ليالي الحزن ليل=ياكثر ماشربت معي من علقم الحزن وكلت
معشوقتي ما للفرح برجوعها يمي سبيل=الا مثل ما للربيع من الزهور ليا ذبلت
معشوقتي من عمر جيل ومدرسة مليون جيل=معشوقتي ورث السنين اللي تجلت وانجلت
اللي على كثر المصايب كل مافيها جميل=الناس لي كبرت تشين وذيك لي كبرت حلت
لامن تثنت للهبوب تميل اللي مايميل=وان مالت عقول الخفاف من الرياجيل اثقلت
كن الكلام بثغرها مجرى سبيل للسلسبيل=مسترسله لو ماضميت ولو ضميت استرسلت
تقبل على لون المسا لاجات مفتوله جديل=غصبن عن عيون النسا مايرمشن اليا قبلت
عشقتها لاني من اللي يعشقون المستحيل=صدقتها لانها لي قالت القول : افعلت
الترفه اللي تنطح الفريس وتفك الدخيل=ما الرجال اللي تحملني مثل ما استحملت
لو كل خلق الله ملو ماتمل وماتميل=لان الرجال بهالزمن قلو هذيك استرجلت
ان كان وقفتهم معي من باب مايخدم بخيل!!=هذيك ماهيب وقفت جنبي .. هذيك تبهذلت
خانوا وهي ماهونت عالو وعيت لاتعيل=تبدلت كل الوجوه وذيك ماتبدلت
لانه ليا عز الرجا ما للخليل الا الخليل=ماكد قرت في محجري قصة عن الحزن وسلت
كل الذي يجري معي يجري مع الطرف الكحيل=اليا رضيت ترضى عشاني وان تزعلت زعلت
تدوي بخفاقي دوي لين احيت الحلم القتيل=عشق بدويه لبدوي لاجت على البذل ابذلت
معها عرفت اني قوي حتى وانا مافي حيل=واعدها بمية خوي كان الهموم استفحلت
دام الشدايد تكشف بصاحبك معدنه الاصيل=ليت السنين اللي حدتني على الضياع استعجلت
الشدخ اللي تثبت ان اللي يحبوني قليل=ولا ضحكه بوجيه ناس لي تضايقت وانكلت
بنت ليا منك وقعت تشيلك من القاع شيل=ابرك من وجيه الرجال اللي ليا طحت جفلت


حامد زيد

 

[حنان العصيمي]

يجيك قلبي مندفع لك من أقصـاه
لامن بغيته بـأي حاجـه وجيتـه
ماكل شخصن يوصل اللي تمنـاه
وأنت بوجودي توصل اللي بغيتـه

 

[سكون]

يحبك .. من يبيع اللــوم لكفوف الرضا .. ما شـــــال
بقلبه للـزعل ( سيف ) يســـله لانــــوى .. صــــــدك


يحبك .. من كسـر قلبــــه نهـار لخطــوتك .. ما قـال
تعبت أهواك .. وش لي في طريقك .. وش لي بــــــــودك


يحبك .. من يحفظك ( ســـر ) في روحـــه عــن العــذال
يموت بـداخله ســـــر الغـــرام .. ولا جــرح ســـــدك


يحبك .. من يعـــذرك في ظروفــك لو غيــابـك طــــال
يحبك .. من عشــــــق فـــوضاك في هــزلك وفي جـــدك


يحبك.. من رضا بـك جـرح / غـربة / لـوعه / وغربــــال
يحبك .. من ذكــر أجــمل مــلامح عمـــره .. بخـدك


يحبك .. من يكحــل جفنك الضامي فــرح وأطفـــــــال
يحبك .. من نثر شـــوقه وفــــا .. في جــزرك ومـدك


يحبك .. من شكى لك برد .. ونفسه تحترق بـ ( اللال )
يحبك .. من عــرق كفــه .. ليامــن صافحة يــــــدك


يحبك .. من يشيــل بقلبـه العاشــق رضا .. ما شـال
بقلبه للزعــل ( سيف ) يســله لانــــوى .. صــــدك


:
:


الشاعر / علي الزعبي

 

[صالح العرجان]

لآآ شفتني ضايق و أَهل الدّمع و أبكي بـ آقتناع
لآآ تحـزنك عيني / و لآآ تشره علـى دمعآتهآ


أَنا فقط .. حبيت أدرّبهآ علـى / يـوم الـوداع
أحبـابنآ قاسيـن .... والأيــام ذي عاداتهـآ ..،!

 

[عهود الحمد]

.

.


وداعة الله والسّلامة تصاحبك
ــــــــ حلفت ما اعقد في وداعك حجاجي


* بدر بن عبدالمحسن

 

[عهود الحمد]

.

.

وين أنت ياللي عيدنا في محياك
ـــــــــ كف القدر من ضيقة الخلق بستة


*عابره سبيل

 

[عهود الحمد]

.

.


تعبان مني يـ أنا!؟
وإلا أنا .. مني .. تعب !؟
سؤال أعقل من جنون !
سؤال أقسى من حنون !
أنا .. أنا ...!؟
أو ..
من أكون؟


*بركات الشمري

 

[صالح العرجان]

ويش أقول لدمع عينك والقصور اللي بنيت؟
وكيف أصبر قلبي اللي بين أيديك ويحتـرق؟

أدري انه غصب عنك وأدري انـك مانويـت
وأدري انـه فـي زمنـا حتـى (حلمـك) ينسـرق ،، !!