تعال واكتب حالتك/لحظتك شعراً ..!

[نايف السميري]

،
عينها حزنها حنين دمعتها !
.............. كلها اشيا تعبها يكسر الخاطر !
كيف دس التعب في عمق نظرتها !
............... كل هذا الحزن لين انتثر ماطر !

 

[نايف السميري]

،
على فكره تراك اسرفت في مد الوله واقفيت !
................... وشرّعت الاماكن للتعب واوصدت بيبانك !
شربك الفقد وادمنت الغياب ورحت مارديت !
................... وتوسدت الفراق وصار جلادك وسجانك !

 

[عبدالله الجودي]

‏.
.



لاعشقت انسان ماهو من نصيبك
تتركه .. ولّا تحبه .. لـ النهايه





.
.

 

[نيرفانا]

‏الكلمة اللي تمر .. فْـ بالك / انطقها !
‏ياللي تجيد السكوت وترضي أحزاني
‏
‏" ما نضمن نْعيش بكرا " لو نطبّقها !
‏ما ظل فينا " خجول " بْحضرة الثاني

 

[نورة القحطاني]

"
كل الصروح بحور أحلامها رمال
والموج فيها يرتمي فوق كتفه

ماعاد لي سيرة بعد حفل الأغلال
إلاّ أتابع خطوتك صوب حتفه

 

[نيرفانا]

‏وأموت من فعلك ، اللي يرفض إحيائي
‏مع عذرك " البارد " اللي زادني حرة
‏
‏ياخي ترى الحب : مو ماتقصد إيذائي
‏الحب معناه ( ما تأذيني ) بالمرررررره !

 

[عبدالله الجودي]

.
.


أسولف لك عن همومي وكنه شي ما يعنيك
انا غلطان عندي هم .. او غلطان أسولف لك





.
.

 

[نايف السميري]

،
البدو شدو بعينك من نهارين .!
................. ورى بروقٍ بكحلك خايلوها !
البدو سقم المعادي والمحبين .!
................ ف عيونك الليلتين اللي سروها !

[ نايف صقر ] ،