الريم

[ناصر الشعلان]

(احتمال:اقول ولهذا الطيف الريمي الذي يعانق بخواصي كل استعباد الرضا للغرور الحسن وغير الحسن اقول لهذا الطيف الريمي اسرج روحي شعرا)

...........................
ماقدر احب الريم مجاني.......للريم ابدفع كامل اسنيني
همست انا بالحب و واشجاني.......ووشوشت انا بالليل.. طفيّني
فينا ولاادري منهو الجاني...
...لكني اعرف شي ياعيني:
لامن تذكــرتك.. تناساني.......يالي تصوبني... وتخطيني
في خافقي واصبحت وحداني.......يكفيك دربي.. ياعناويني
اضحكتني.. واالحب بكاني...
...بالضبط ذا شغل الهوى فيني
احيان احسك عشق رباني......واحيان اقول و(بينك وبيني):
انك الاخر..واول وثاني.......وانك ذبيح الحلم في عيني
بعيونك النجلا نظر فاني...
...وبرموشها ياشيخ تحييني
والجيد من عقدك تحداني......لاثنينهم قيمة ويعطيني
بعض الغلا لاجلك ووداني......في مختلفك ابدا بتكويني
جيتك وكلك قلت لي جاني...
...طيفك حبيبي واسئل ايديني
الي بها.. ميّتك..واحياني......ماقلت لك بردك.. يدفيني
يالريم و القاصي من الداني.......ولعبك بقلبي ...مايسليني
خليتني ما انسى ..وو وراني....
..حبك عجايب قدرته فيني
انت الظما لو قلت ترواني.......وانا ارتويتك وانت مضميني