( ذكـريــات وحلـــم ...! ) , مصافحة أولى ..

[رائف الجبير]

بسم الله الرحمن الرحيم ..

اللهم صل ِ على سيدنا محمّد , وعلى آله وصحبه أجمعين ..

مصافحة أولى , متواضعة , راجياً من الله وآمِـل أن تصل لـ ذائقتكم الكريمة ..

[poem="font="simplified arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]تعب , والحلم يبني في وسْط هذا الصدر مبناه=قهر يستوطن الذكرى ، حسايف تسكن بحلمي
توسدّ حبري أوراق الوله باقصى الورق ثم تاه=مثل دمع ( اليتيم ) اللي ينادي : وينها أمّي ..!
أنا ذاك ( الطفل ) في غيبتك والله ثم والله=أنا صبر الثواني ف.الغياب اللي كسر عزمي
لبست الصمت.مليته ، أبي البوح ولفظت الآه=تهاوت دمعتي وآصدّ أكفكفها بطرف كمّي
تذكّرت المكان اللي جمعنا والذي سوّاه=صدى صوتك يرافقني ينادي يردد بأسمي
واجمّع في كفوفي ذالحنين لشوفه ولاماه=واقدمها ، عسى يكفي ، أقول تفضلي.سمّي..!
دروبه والرسايل والعتاب ودفتره واشياه=أنا من وين ما الدّ بعيوني شفتها قدْمي ..!
طريق الانتظار أمسى وهو ( يطرب على ليلاه )=رسمته وجهه الشاحب يصوّت : ( التفت يمّي )
تجاعيده تغايت فالملامح والحزن عنّاه=حكى يكفي تعذّبني ) ، نطق راجي : ( كفى ظلمي )
جفيتك ؟ إيه يا درب الوصال وحدّني فرقاه=وحيد آتي وأعود من غيابه ناحل ٍ جسمي
ينام الليل باحضان السماء والأمنيات فداه=وتبدا رحلة الظلما ، توارى نجمها ونجمي
خلاص وراحت الطفلة ، عتابي ؟ مرتحل بخطاه=باصحّي ذكرياتي والحنين وباصحى من حلمي ..![/poem]

أخوكم " رائف بن خالد "

مودّتي ..