إماااام الزماااان

[حسين البليهي]

[poem=font="Simplified Arabic,5,green,bold,normal" bkcolor="transparent" bkimage="" border="none,4,darkred" type=1 line=0 align=center use=sp num="0,black"]
ياهلا برْمضان الخير شيخ الشَّهور=من مشيت ولفيت ارحب هلا يارْمضان
غبت عام وكأنّك غايبٍ لك دهور=والله ابطيت عنّا ياإمام الزمان
من سطعت بسمانا والليالي حبور =لاالزمان الزمان ولاالمكان المكان
يااااااه كم لك بقلبي من شعور وشعور=ويااااااه كم لك بقلي من مكانه وشان
لاتلومون قلبي لاغرق بالسرور =لاتلومون حبري لااشعل الشمعدان
شَهْرمليان رحمة شَهْر مليان نور =شَهْر كله سكينة شَهْر كله أمان
شَهْر غفران والمولى عفوٌٌ غفور=شَهْر عتق الرقاب وفتح باب الجنان
شَهْر الاحسان شَهْر الصوم شَهْر السحور=شَهْر الافطار شَهْر البذل شهر الحنان
شَهْر فيه الملائك بالمساجد تدور= شَهْرفيه الشياطين اللعينة تهان
شَهْر يتلى به القرآن وقت البكور = والعشا والأصيل وكل حينٍ وْآن
والتراويح قصة دُونت بالزهور = والتهجد رواية دُونت باقحوان
و(ليلة) القدر (حِقبة) سُطرت بالبخور =ينزل الروح فيها لين وقت الآذان
ياجزيل العطايا ياالحليم الشكور =اغفر ذنوبنا يارب يامُستعان
وانصر امة محمد واهزم اهل الشرور=واقبل صْيامنا وقْيامنا برْمضان
وارحم ارواحنا لاحشرجت بالصدور =وقت برد اليدين ووقت يبس اللسان
واستر الحال لامنّا سكنّا القبور = لين ندخل بفضلك وسط روض الجِنان[/poem]