لويقبل الدمع سجاده ومحرابه

[سعد المطلق]

لافي هو أحد أقاربي وأقرب أصدقائي توفي في حادث حريق ولم يعثروا إلا على باقي عظامه له في القلب مكانه وذكرى لا تنتهي






[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]المرقب اللي خوي العمريرقابه=يالله عسى مارضى في صاحبه ثاني
قمت اذكره يوم عدى الرجم واومابه=ثم ذب صوته على اليمه وناداني
كني بشوف الهبوب يداعب ثيابه=وكني بشوفة شبيه الذيب سرحاني
يارجم وشفيه لافي منكراصحابه=له عدة شهورلاجيته ولا جاني
ماهوجفا منه بس الموت قفابه=ياليتني من قبل لا انعاه ينعاني
البارحه طال ليلي والسهرجابه=بكيت ومفارق الغالين بكاني
والله لو شاف حالي سبة غيابه=ماكان عزم على موته وخلاني
الله يجبرعزى الخفاق بمصابه=تمكن الحزن من قلبي ووجداني
ااناشد الدمع يروي عالي ترابه=اخاف يشره على صدي ونكراني
حظنت باقي رفاته قلت ابحيابه=واناادري انه لدرب الموت وداني
انا الذي دمع عينه جرح اهدابه=من وين ماهبت الاحزان تلقاني
لويقبل الدمع سجاده ومحرابه=ماحاولت فرحة الا عياد خذلاني[/POEM]

 

[سلطان ربيع]

رحمه الله عليه يا أبو بندر
وكفاك عذابات الفقد الأليم

 

[قايـد الحربي]

سعد المطلق
ــــــــــــ
* * *


رثائيّة حزينة حدّ الدمع ..
أثبتّ بها بأنّ الشعر لا يعترف بالأعياد
لأنّ حضوره عيدٌ أكبر .

شكراً لك و لوفائك برثاء صديقك .

 

[مشعل العبار]

قليله جدا القصائد التي تجبرني على تسجيل الدخول...وهذه احداها


رحمه الله عليه وصح لسانك

 

[ماجد صخنان العنزي]

يارجم وشفيه لافي منكراصحابه
’’’’’’’’’’’’’’’’له عدة شهورلاجيته ولا جاني


قبل شهور كنا ثلاثتنا وهو معنا
سبحان الله الان انا وانت بقصيده رثاء له
سبحان الله يابوبندر
.
كل ماقول الحين احبابي تعود
’’’’’’’’’’’’’’’’’’’ادفن حبيب ٍ غالي ٍ وسط قبره
.
من منا سيرثي الاخر؟

.
والله لو شاف حالي سبة غيابه
’’’’’’’’’’’’’’’’’’ماكان عزم على موته وخلاني
دع هالبيت بيننا ان غاب احدنا نعرف ان الثاني كتبه للاخر
اخوك/ماجد

 

[عبدالمجيد العنزي]

بيـــض الله وجهـــــك


ياابـــو بــــندر الشهـــــاده مجـــروحـــه فيــــك


انت فــوق المــــدح كلـــه ورحم الله ابو سايــــر



كفـــيــــت ووفيـــــــــــــت

 

[سعد مسهوج]

الله يرحمه



السمي

اللمتني كثيرا



لله درك رغم الاسى

لله درك رغم الالم


احترامي

 

[خالد صالح الحربي]

:
حزينةٌ هذه الرثائيّة وَ ثريّة جداً جداً ،
وهكذا كل رثائيّةٍ تُكتَب بعد وقتٍ طويل من الفقد ..
وكأنّ الذاكرة تُربّي الحُزن / حتّى ينهمِر شعراً ..
شُكراً لكَ يا بو بندر وَ رَحِمَ اللهُ لافي .