يامدورين الفود في سوق الافلاس...!!

[بندر الرشيدي]

بسم الله الرحمن الرحيم..
أحبتي ,,أسعد الله أيامكم..ولياليكم..

قصيدة..كتبتها..أبان كارثة الأسهم..والتي لازالت..مستمرة.
وقد تستمر..وتستمر..لمَ لا؟؟!!

عسى أن تحوز..على غايتي..التي هي استحسانكم...

سوق الافلاس...!!

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
يامدورين الفود قي سوق الافلاس =نصيحتي لله لا تقربونه

اليا نزل في نزلته كتم الانفاس=والياارتفع مافيه أمل تلحقونه

أوضاعنا مابين وقفه ومجلاس=والكل منا ماتغمض عيونه

نبيع والانشتري وضعنا انحاس=ولياشرينا في سهم ينكبونه

يوصي بعضنا دون علمٍ ولا اقياس=ذاك السهم ياالربع لاتتركونه

السهم هذا لاتبيعونه ألماس=ايحقق الثروة لمن يشترونه

أحيان تصدف ويتنومس تنوماس=يستانس الموصي ويكثر زبونه

وليافشل في التوصيه قال لاباس=نصبر ليابكره عسى يرفعونه

سوق يخلي كامل العرف يحتاس=يامدعين الفهم ماتفهمونه

مثل الحبر وان سال من فوق قرطاس=في المحبره والله ماترجعونه

انهار وانهاروا معاه أغلب الناس=أحدٍ ذلف وأحدٍ يعالج طعونه

وأحدٍ مشى مجنون لاعقل لاأحساس=واصبح ينشد كل من هم يجونه

وأحدٍ يحاول بالأمل يطرد الياس=لكنه الواقع يخيب ظنونه

وأحدٍ يصفق يضرب أخماس باخماس=ومن القهر يبكي وزادت غبونه

رحنا ضحايا سووق لاطماع الانجاس=من الجشع ماعندنا ياخذونه

ضحكة على العالم لتفريغ الأكياس=مال الضعيف بلا سبب ينهبونه

وابنوكنا اللي دسو السم في الكاس=كانو ا دعاة السوق ويآزرونه

أعطوا لنا الفرصة ودقوا بالاجراس=لاجاهم المديون زادوا ديونه

ضعنا بصحرا دكها ليل الادماس=لاحولنا فزعة ولامن معونه

على العموم اللي حصل درس حساس=لومافهمنا الدرس لاتشرحونه

مالفايدة لاطاحت الفاس بالراس=فات اختبار الدرس لاتجدولونه

جينا ندور فود في سوق الافلاس=ولا لقينا الا الفلس والمهونه
[/poem]

.............
وعسى الله مايخسر..مسلم..

........
فاااائق

الشكر..والتقدير..

 

[قايـد الحربي]

بندر الرشيدي
ــــــــــــ
* * *

أسهم هذه القصيدة لا تخسر
لأنّها من شاعرٍ رائع .

شكراً لك كثيراً .

 

[سلطان ربيع]

بندر الرشيدي
قصيدتك رحلت بي إلى ( جني الأرواح / الأرباح )
التي لم يتبفى من الأرواح البريئه روح .

دمت بخير

 

[شوق]

صح لسااااااااانك

مليون على هذه القصيدة الرائعة

كل الود

أختكـ/شووق

 

[العـنود ناصر بن حميد]

على العموم اللي حصل درس حساس

لومافهمنـا الـدرس لاتشرحـونـه

.
.

وهل نتعلم من هذا الدرس ؟؟

أم نعيد الكره

وفي كل مره نقول خلاص تعلمنا !!

بندر الرشيدي

الله لايخسرك ولا يخسر كل مسلم

صح قلبك

ودمت بخير

 

[خالد العنزي]

بندر الرشيدي وصف وتشخيص حقيقي

لكن على قولتك طاح الفاس بالراس

وعسى الله يعوض

تقديري واحترامي

 

[بندر الرشيدي]

الغالي..القدير..

قايد الحربي..
..

كلي فخر..بحضورك.الشامخ..

وإشادتك..السامية..


لاعدمنا هذا التواجد..
....

خاالص تقديري..

وشكري..

 

[نايف السعدي]

بندر الرشيدي
رائعه تستحق الاعجاب
احترامي