( يا اغيب يا يعلن غيابه غيابك ! )

[ثاني الدهمشي]

قديم أحبّه ..

وبما اني احبه احببت ان يكون معكم .. احبتي ..

:

[poem="font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]يا صاحبي نوّخ بقلبي مطاياك=خلّه بعَد ما مات منْك يْحَيابك
شف ( جرّته ) بالصدر يوم يْتحرّاك=( رايح وجاي ) وجابك الله جابك
لسان حال الخافق يقول : حيّاك=وانا لساني قال : يا مرحبابك
كتبت بَعدِك بيت ما اظن لولاك=ابكتب احسن منْه بيت بجنابك
الوقت يا سرعه ليا كنت ويّاك=هو ليه ما يبقى سريع فغيابك؟
فلا تقول من شوقي بديت آتباطاك=شوف الشجر وشلون صار امْتشابك
يمناي تتوجّد على لمس يمناك=ولا تسكت إلا .. لا مسكت ايد بابك
وليا فتحته يفتح البال شبّاك=للذكريات .. وأسمع احرف جوابك
يوم اني اسأل ليه ترحل وانا ابغاك؟=وتقول : طمّن قلبك افدى شبابك
تدري وش اللي صار يوم انك هْناك؟=تكالب ظروف الزمن ضدّ ايابك
سما انتظاري مظلمه وارضه اشواك=ويا كثر ما قيل اتركه ما درابك
وخذلت في جيّتْك هذي هذولاك=اللي يقولون اني اطرد سرابك
كن لهف عيني (هات) واقبالتك (هاك)=يا عمري اللي دلّ فيك وغدابك
سبّبت لأوزان الشعر بعض الارباك=يوم الشعر غصبٍ علي احتفابك
والحين خذ قلبي معك ودّه ايّاك=طمّنه .. ثم اعطيك بعده ( كتابك )
اللي قبل تقراه ..والحين يقراك=تعب .. سنه وانا اوعده باللقا بك
ومادام انا ويّاك بآضل ويّاك=يا اغيب يا يعلن غيابه غيابك![/poem]


:

 

[ناصر حطاب الدهمشي]

الوقت يا سرعه ليا كنت ويّاك
............... هو ليه ما يبقى سريع فـغيابك

رُغماً عنّي .. سجّلت الدخول
كنت بحاجة لـقراءة شعر يعيد صياغة حنيني ..ويسد الفراغ بذاكرةٍ مثقوبة لم يتسرب ماضيها حتى الآن..

يا ثاني .. يسعد صباحك يا البناخي

(( هـُـنا شعر .. إلتهيموه بالنظر ..أجزم أنكم لن تشبـَـعُـوْه ))

أخوك
.
.
ناصر الدهمشي

 

[ذعار بن سحاب]

تدري وش اللي صار يوم انك هْناك؟
........تكالب ظروف الزمن ضدّ ايابك
سما انتظاري مظلمه وارضه اشواك
.........ويا كثر ما قيل اتركه ما درابك

يسعد صباح العذوبه ياعذب

ثاني الدهمشي

انت شاعر جميل بكل ماتحمله هذه الكلمه من طيبه واخلاق وجزاله

لله در الحضور الخاطف

صح لسانك وصحت مشاعرك الراقيه

محبتي لك فقط

 

[ماجد العمر]

نص مذهل
يحمل بين طياته الكثير من الجمال
كل التقدير لهكذا شعر

 

[ثاني الدهمشي]

البناخي

ناصر حطاب

هلابك

وعسى الله لا يحرمني منك ..

 

[فيصل الحلبوص]

المشاركة الأصلية كتبت بواسطة ثاني الدهمشي

قديم أحبّه ..

وبما اني احبه احببت ان يكون معكم .. احبتي ..

:

[poem="font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]يا صاحبي نوّخ بقلبي مطاياك=خلّه بعَد ما مات منْك يْحَيابك
شف ( جرّته ) بالصدر يوم يْتحرّاك=( رايح وجاي ) وجابك الله جابك
لسان حال الخافق يقول : حيّاك=وانا لساني قال : يا مرحبابك
كتبت بَعدِك بيت ما اظن لولاك=ابكتب احسن منْه بيت بجنابك
الوقت يا سرعه ليا كنت ويّاك=هو ليه ما يبقى سريع فغيابك؟
فلا تقول من شوقي بديت آتباطاك=شوف الشجر وشلون صار امْتشابك
يمناي تتوجّد على لمس يمناك=ولا تسكت إلا .. لا مسكت ايد بابك
وليا فتحته يفتح البال شبّاك=للذكريات .. وأسمع احرف جوابك
يوم اني اسأل ليه ترحل وانا ابغاك؟=وتقول : طمّن قلبك افدى شبابك
تدري وش اللي صار يوم انك هْناك؟=تكالب ظروف الزمن ضدّ ايابك
سما انتظاري مظلمه وارضه اشواك=ويا كثر ما قيل اتركه ما درابك
وخذلت في جيّتْك هذي هذولاك=اللي يقولون اني اطرد سرابك
كن لهف عيني (هات) واقبالتك (هاك)=يا عمري اللي دلّ فيك وغدابك
سبّبت لأوزان الشعر بعض الارباك=يوم الشعر غصبٍ علي احتفابك
والحين خذ قلبي معك ودّه ايّاك=طمّنه .. ثم اعطيك بعده ( كتابك )
اللي قبل تقراه ..والحين يقراك=تعب .. سنه وانا اوعده باللقا بك
ومادام انا ويّاك بآضل ويّاك=يا اغيب يا يعلن غيابه غيابك![/poem]


:

ومادام انا ويّاك بآضل ويّاك=يا اغيب يا يعلن غيابه غيابك


بيت لكن عن قصيدة كاملة


عذب يا ثاني


صح لسانك إلى أن ترضى



مودتي

 

[هـيـفـااللاّفـي]

,’

{..تدري وش اللي صار يوم انك هْناك؟
........تكالب ظروف الزمن ضدّ ايابك


وللشعر هنا حضور وحبور ..

يلامس الغيم ..

ويصافح الشمس ..

,’

الرائع ثاني الدهمشي

صح نبضك ..

 

[أصيله المعمري]

ونحن نحب كل ما تكتب يا ثاني
صح قلبك وفكرك
الغياب : لغة يجب أن نحسن ترجمتها لـ تتحول شعراً


تماماً مثلما تفعل في هذا النص
شكراً لـ بوحك
شكراً لـ حضورك المذهل