الــمـــشـــهــــد الأخـــــــيــــــر

[نواف التركي]

.




.




.

[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
البارحه ليت لي عنها ملاذ ومجير = النور منهك وساطي فالعيون الظلام

والصبح ماهو قريب ولا بقى في جفير = عيني من السْهِر لا طلقه ولا من حزام

يا سيد البال مات من الكلام الكثير =مابين شرهه ..حياء .. تقدير ناس ..وحرام

لين إمتلى الخرج صمت وجاء يحث المسير = البوح ..وآنا أتصدّد عنه لين إستقام

قدّامي وكان لا بد الرحى تستدير = وإن طاح حب العتب فـ / إقرى عليه السلام

وإن قلت صدرك كبير أقول سرّك فـ / بير = يردون يمّه عطش.. يقفون منّه صيام

لا يشغلك هرطقات البعض.. يوم النفير = يبين حكي الفضا لا أشتد وقع الحسام

لو عذربوا نزفك إنّه من عروقي غزير = ما عابك إنك عظيم تمد مدّة عظام

يغرون بك نقص أنفسهم ولا فيه ضير = مادامهم يعرفونك حر مالك عمام

إقلط علي مالك بقلبي شريك وخشير = مبطي وأنا أمر ساحتهم مرور الكرام

ياحادي الشعر مبطي من غلاك أستخير = واليوم ذودك على فكري تسوقه حيام

تجي ..تحث الخطى يمّي ووضعي خطير = وتوقظ لي الذكريات وتستثير الغرام

تجي ..وتفتح شبابيك الغياب وتثير = وجدي على بيت طين وعاشقين وحمام

وأروح أراود عصّي الدمع حتى يحير = في مدمعي لين ينبت في عيوني ملام

للحاره الشاهده حزن الفراق الأخير = وشلون تقدر عقب (مي) الشوارع تنام

وشلون تقدر تلمّ الأرض قطعة حرير = بالله وشلون ما تبكي عيون الغمام !!

لا شاعرك مستريح من السفر والهجير = ولا أنت تقدر تعود وما بقى بي حطام

ويراودوني على الذكرى وحلم الفقير = وأهرب بقلبي عن عيون البشر والزحام

لو أملك الريش كان أنفض جناحي وأطير = وأروح أخاوي بجنحاني طيور اليمام

تعبت واللي خذاك آقول طيّب .. بخير = وأتعبني الشعر يوم أبعث رميم الكلام

وأنفخ به الروح وأكسيه الشعور ويصير = بإحساسهم همّ ليت الحرف أخر مقام

للحزن ..ماكان صرت لـ / هالمواجع خفير = أرقب له الخاليات الموحشات السقام

ولا غزتني تجاعيدي وتوّي صغير = وما كان للصدر من غبن السنين إحتدام

لو ما العزاء إني بوجه الوقت خصمٍ كبير = وإني على كثر طعناته كسبت إحترام

الناس .. ما كان يلفح وجنتي زمهرير = برده ولا أنخى دفا ربعي ولوهم حشام

والحين ياحادي إحساسي وجيشك مغير = يمّي عسى طاب خاطرك وعرفت المرام

ياحادي الشعر منك ومن عناك أستجير =أطلق وثاقي تعبت من السهر والهيام

ياطول ليلك وأنا ما باقيٍ في جفير = عيني من السْهِر لا طلقه ولا من حزام [/POEM]

 

[شاعر البدر]

نوًافْ
تَاَرَه /شِجَنْ واخْرى حِزِنْ!

الشِعر هِبَةْ السًمَاء...نَلُوذُ بِربِ اهْلَه
لنَتَنَفسْ /فَقَطْ
..
جَميِل يَانَوًافْ

 

[نواف التركي]

المشاركة الأصلية كتبت بواسطة شاعر البدر

نوًافْ
تَاَرَه /شِجَنْ واخْرى حِزِنْ!

الشِعر هِبَةْ السًمَاء...نَلُوذُ بِربِ اهْلَه
لنَتَنَفسْ /فَقَطْ
..
جَميِل يَانَوًافْ

شاعر البدر
وأنت يا صاحبي
رب الشعر
فـ كيف بي وأنت تثني على هذا النص
لك من الود أعظمه
ومن الشكر كله

 

[ميــرال]

نواف التركي

امتلئ المكان شعور شعر

قصيدة كــ هذا الحظور

متوهجه

 

[نواف التركي]

المشاركة الأصلية كتبت بواسطة ميــرال

نواف التركي

امتلئ المكان شعور شعر

قصيدة كــ هذا الحظور

متوهجه

ميرال
ممتن لكلماتك

دمتي بخير

 

[سلطان الدوسري]

.
.
بل مشهد الشعر الوفير ..
حضورك بحد ذاته شعر ..
.
صح كلك .. وسلملي عليك ..
.
.
احتراماتي

 

[نواف التركي]

المشاركة الأصلية كتبت بواسطة سلطان الدوسري

.
.
بل مشهد الشعر الوفير ..
حضورك بحد ذاته شعر ..
.
صح كلك .. وسلملي عليك ..
.
.
احتراماتي

سلطان الدوسري

صح قلبك
ياغالي

ممتن لحضورك / نورك

دمت بخير

 

[خالد صالح الحربي]

:
ياحادي الشِّعْر ، [ لا تَصْمُت ] !
وَ كَفَى .