شــعــر ياقلبـــي شـــعـــر

[عبدالحميد بن ناحي]

[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]للمحابر والقلم ويش انت جايب = ياخفوق(ن) هاجسه مابات ليله
ماسجد لك ماطرى وابليس غايب = لو سجد لآدم غدى مثله مثيله
وان فهقت الجرح من صلب وترايب = هلّت العبرة على الورق وهديله
ماعلى الهاجس مشاريه وعتايب = شرهة الحايج لحايجها ثقيله
جيت متحدر وانا مخطي وصايب = بانفعالات الجنون المستحيله
يوم انا والشعر خلاّن وصحايب = لافتشت الجاش في راس الطويله
كم على ياليل سرّيت النجايب = وكم على الوجدان شبّيت الفتيله
وان طواني هاجسي والليل ذايب = طرت مع صوت الطواريق العليله
انثني واثني تحت جفني عرايب = وانطوي بسكات كسّاب الجميله
ماخلفني بالشقا غير النوايب = والعزا عندي هماج(ن) سلسبيله
شفت بالدنيا على نفسي عجايب = وان جرحت وكل عابر مع سبيله
للزمن تصريف والواقع مصايب = واختلافات العرب ماهي قليله
والدليل انّه ضحك والبال طايب = يوم قال الشعر للغاية وسيله
شعر ياقلبي شعر وش فيك هايب = للجوارح نزف ماتبريه حيله
ماخلق ربي جبل لاجل الهبايب = ولا بعث ربي نبي ماله فضيله
الوطى مخلوق من شان السحايب = تشربه والشعر قلّي وش حصيله[/POEM]

 

[عبدالعزيز رشيد]

انتظرتك كثييير
ولي عودة (:

 

[ماجد صخنان العنزي]

الواحد يقرا ويستمتع
لان ماكتبته من القلب الى القلب يصل
خالي من احساس بلا طعمه
شعر ياقلبي شعر< هذا مانقوله بعد هالقصيده
دمت بروعتك ياعبدالمجيد
اخوك\ماجد العنزي

 

[عبدالحميد بن ناحي]

ولك مثلما منك
ياصديقي الوفي
تعلم جيداً أنني أُحبك كثيراً

 

[ميــرال]

كثير الشعر

وكثير العطر بين السطور
مبدع
والف روعه

 

[نسرين الأحمد]

شفت بالدنيا على نفسي عجايب
وان جرحت وكل عابر مع سبيله
للزمن تصريف والواقع مصايب
واختلافات العرب ماهي قليله

.........

راااائع اخي عبدالحميد

تسلم اياديك ع هالابداع

احتراماتي

 

[عمر الشيبي]

يا زين قلبك

مشكور وصح لسانك

 

[عبدالحميد بن ناحي]

كل الشكر لقلبك الجميل
حظي أجمل
وجودك أجمل بكثير
شكراً ياماجد والله يديم عليك الصحة والعافية