00000 فكــــرة التهجيـــر 00000

[ناصر حطاب الدهمشي]

السلام عليكم جميعاً

غيابي ألزم حضوري بالتساؤل

0000000فكرة التهجير0000000

[POEM="font="Simplified Arabic,5,blue,bold,italic" bkcolor="transparent" bkimage="" border="none,4,gray" type=2 line=1 align=center use=ex num="0,black""]


ياحوا : ليه الدنيا تموت بفكرة التهجير؟=و ليه قلوبنا لاجت تهاجر مالها مهرب ! ؟

تساؤل بطرحه يمكن ألاقي عندكن تفسير=لدنيا لو بدت تضحك نكايدها هي الأقرب

غريبة طبعها أرعن غموض و يعشق التشفير=و يعيش بوسطها عالم ياحوا طبعها أغرب

بها حتى الشجر خاوي وغصنه ما وقف به طير=يغرد بالسما وعينه تناظر عشه المخرب
تزج الهم ياكبره وسط قلبٍ عليه إتغير=خيول أفعالها ترمي فعل مبني.. فعل معرب

كثير أجهل مسالكها وتجهلني دروب كثير=وكثير أمشي بمساربها وأنا معرف لها مسّرب

تقدم لي مواجعها بلا ذنب وبِلا تبرير=وتِضخ بدمي سِم أعظم من اللي تملكه عقرب

فظيعة قبضة الدنيا شنيعة ضربها تعزير=تشوف همومنا وتـْـلـِـد لصوت صياحنا و تطرب !

جسد جاهل بهالدنيا شرد من عقله التفكير=وجسد راحت حياته علم00 بقى لك ياالجهل مضرب

وجسد يبكي من أوجاعه 00 و جوعه فلسفاته غير=وجسد يضحك عليه بخبث.. و قلب(ن) داخله أجرب

أنا ماهمني جوعي مادام إن الخفوق بخير=أنا كل همي العِزة ماتخضع لابغت تشرب

أعيش بدنيتي شامخ وموتي من وراي يسير=وأموت وأندفن والخلق تعزي ناسي الأقرب

أخيراً 00 ليه هالدنيا تموت بفكرة التهجير.؟=وليه قلوبنا لاجت تهاجر مالها مهرب ؟



[/POEM]

وسلامة قلوبكم

ناصر حطاب الدهمشي