طــاح حظــِّـك ..!

[ناصر حطاب الدهمشي]

السلام عليكم ورحمة الله وبركاته..

مدخل :

إيـه يا أبعاد إعذريني ..صدري إمن الضيق قافل
000000000000 علمي إبــ / وجه السعادة ..يوم انا عمري صغير
تصدقين إن الأمــاني نجمهـــا بالجوف آفـــل
000000000000 وتصدقين إن بي هموم ٍ شي يـزحف / شي يطير

( قصة العمر )

[poem=font="simplified arabic,4,darkblue,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black"]
هالورق وسطه قصيدي وإنكساري يافهـد=وحاول إنـَّـك لا قريته .. تفهـم اللـي مستـراح
يافهـد فينـي خفـوقٍ مذكـر إنـه قـد حقـد=من بياض الغيم لونـه بـأول خيـوط الصبـاح
من كثر ما هو يعاني بالفرح نـبـضه زهـد=وفوق كل اللي جراله ما سمعته يوم ناح
لا يغـرَّك يوم أغنـِّـي .. صدري ضلوعه بلد=للغياب و للرحيل ... للحنين وللجراح
حتى دمعي في عيوني من كثر حزني جمـد!=لا هو اللي ساق عـذره أو تجاهلـني وسـاح
مات حظك يا وجود ٍ نـادل أفراحـه خمـد=و طاح حظِّك يا ليالٍ كلها عج و ريــاح
الله اكبـر يا سرابي وش تبـي منـي بعـد !=نفسي مرة لو أشوفك تنثر بحلقي قراح
أنت أدرى في عيوني .. وش بها غير الرمد..؟=ياخي إرحل عن طريقي .. إيــه .. من عرض اللي راح
كم زرع قلبي و فائـي غيـر طعنـة ماحصـد=وكم شخص ٍ من عيوني بأول الفزعات ( طاح ؟)
إنجرحت , ولا جرحت , ولا خطيت إفحق احـد=إلا ناس ٍ في مطيحي إتركوني بالبـراح
كنـت ساهـي والليالـي ذيبهـا الغافـل قعـد=وزارنـي صـوتٍ يرتـل آيتـيـنٍ برتـيـاح
(قل هـو الله احـد).. ..(قـل الله الصمـد)=وإنشرحت وكـل هـمٍ جـظ عـن قلبـي وزاح
(الرعد لو خف صوته يا فهد يبقى رعد=زي ماتبقى يا ( دمِّـي) وقفـتك جبني سلاح)
جبـت لـك همّـي قصيد ٍ ما أذكره يوم ٍ جحد=كل ما لاح إغترابي .. جتني حروفه جناح
إن تهـيـــَّــت لي سعادة. قلـت : مـن جـد وجـد=وإن تلـوَّت بي دروبي قلت : هالدنيا كـفـاح
والعمر قصة قصيرة ..مهد ..وأيـام .. ولحـد=يا نعيش إجبال وسطه .. وإلا تذرانا الرياح[/poem]

مخـرج :

أنا أجودي يا الأرض ميّت وانا حي
............. وإن غبت لا أوصيك ضمَّــي رفاتـي
شاعر ولي كلمة .. ومحبوبتي هي
............. بنت ٍ عطاها الله سِـمة مـن سماتـي
خيالها جدول كسر داخلي ضي
............. وإحساسهـــا في لـذَّة الحب عـاتي
و روعة أنوثتها يا لو تنقلب مي
............. مـا للعطـش وجــه ٍ يقابل شفــاتي
إن سولفت في عينها : إستمع لي
............. وإن سلــهمت غص القصيد بلهاتـي
أحبها كثر الورق .. لا والله شوي
............. إلا كثــر ماعانـــق الشــوق ذاتـي

همســة .. فهد هو شقيقي ..

وسلامتك قلوبكم ..جميعاً