يوميات عاطل ...

[سامر السلمي]

تصحى تنام !
عايش لكنّك مجبور
تضحك بس بدون شعور
تصحى من احلامك لكن
داخـل لـ الواقع مذعــور
ـــــــــــــــ
تبدا الصبح بلقمه عيش
تــمشي خطواتك بشويش
خايف يصحى شخص موظف
ولاّ اخوك الثـاني يصحى
يسال صوتك عــالي لييييش
توقف تكوي ثوب البارح
شارد ذهن ،،، وبالٍ سارح
تقطع خيط شماغك بيدك
يا شماغي والله مدري
من فينا مجروح وجارح
اسمع يا ثوبي بحكـي لك
لا تشكي لي ثــم ابكي لك
من يوم الله جـابك عندي
والفقر آوي لي و آوي لــك
جيـت اليوم بـ صبح وشمس
خايف لا يـتكرر ،،، امــس (:
متعطر ، متنهدم ، كاشخ
واحـكي بكل اشكـال الهمس
جيت وشفت النـاس اطوار
طابور ، وزحمه و كثـــار
واحد يتكلم مــا يسمع
والنــاس تقول الثرثار
واقف يتكلم مع خشمه
فارد طوله نافخ جسمه
قلت اللي يتكلم واقف
ممكن تذكر لي : وش اسمه
قالو هذا الشيخ -فلان-
شيخ ،،، وينصوه الضيفان
قلت الشيخ يقول ويفعل
يصلح ، يبذل خير ويعمل
قالو ياخي ،،، يا تعبـان (:
هذا شيخ اموال و شهره
قلت يوظف؟ قالو بكره (:
قلت اصبر لحظه بتكلم
ممكن تسمعني يا شيخ ؟
لحظه من فضلك لا تشره
قال اخلص وش عندك قول
قلت الارض بـ عرض و طول
مافيها شاغر توظيف ؟
يــاخي هذا مو معقول (:
قال الدنيا ،،، فيها خـير
قلت العاطل وين يصير ؟
قال اصبر عطني اوراقك
يمكن تحتاج لــ تغيير
قلت اسمع هذي معاناتي
تكفــى لا تِضحك شـمّاتي
نزل راسه يقراء فِـيها
طالـعني ثم قال الآتي:
يا عاطل ناقصك(الخبره)
لا تكتب سيرتك العطره
محدٍ قاريها لو انك ،،،،
تكتبها كوفي او رِقعــه
بروز اوراقـك لا تــجلس
علّق هذي ،،، وارفع هذي
هذي هنـاك بـ صدر المجلس
هذي جدد فيـها الملمس (:
صارت يا عاطلنا رثّه
...
اخر شي اقفيت و قلت :
اصبر بكره الدنيا تدور
واتوظف في عاشر دور
قال بضحكه ياخي شوفوا !!
شكل العاطل عاش الدور !!



🖋: سامر السلمي