السلام عليكم ورحمة الله وبركاته
أحبتي .. وبدون مقدمات .. أرجو ان تقبلوا هذا النص البسيط وتقرؤه بدون النظر إلى
إسم صاحبه .
إقرؤه كما لو انكم تقرأون على مسامع الاصحاب رسالة سافرت بها الرياح أزمنة طويلة
ترون بها ملامح لصديق قديم لكم , يحبكم وتحبونه .
وتذكروا .. أن الشعر أبعد مايكون عن هذا النص !
مع قلبي وحبي ..
عاطف .
.
.
.
النص : ليـــه ؟!
افتـح الباب واسمع للعصـافير صوت
........ واحضن الفجْـر في صدري واسمي عليـه
وآتباشر صباحك صاحبي قبل افوت
........ عبْـر بــاب ٍ نسـانـي ماعطـاني يديـه
وآتسـاءل ـ وانا الغارق فـ بحر السكوت ـ :
........ من ذكر وجهـك الغايب ومنهو نسيـه ؟!
هو انا بس !! من يقلق عليك ويموت
........ بين ورد ابتسـام امّـه ومابين اخيــه ؟!
مابقا بي مع الايـام للصبْـر قوت
........ واسمعك بي تردد : صاااحبي ماعليه .
ياسفـرنا .. تطول وتبلع العمر حوت
........ كم عشـانك نبيـع اللي نبي نشتـريه
من صحينا على ( كانوا ) وهذي البيوت
........ مابقت مثل ماهي ..حزننـا تحتـويـه
عن شتـا الحـال تكفينـا هالاشعـار كوت
........ نعـْـرف الشعر .. والشاعر والانسان فيه
مانسـاوم بـيــــاضـه في سواد البشوت
........ نرتقي لـه ونرقـا به.. ولانعتـلـيـه .
آآآآه كم صـارت القلوب الآوادم خبوت
........ لا عشب روح , لا رحمـه ولا حُب .. ليـه ؟!؟!
.. وآتساءل ـ وانا الغارق فـ بحر السكوت ..
........ .. والوطن يزرع الاحـلام بـ يدين تـيـه ـ .. :
كيف ابحيـا وانا اللي عارف ٍ كيف اموت ؟!
........ وانت غـايب وحـاضر في جميـع الوجيـه !؟
.
.
.
آخر المشاركات
11-07-2007, 05:52 PM
العنوان : مجهول !
العرض الشجري