أنـــا ماكنت احسْبك تاخــذ الدنيا معك ياصــاح
نهبت العمر كـله مــا اكتفيت وغبت باعيـــادي
تركت لصاحبك ذكرى رســــايل مهملـة وجراح
وفي سمعـي نسيت من الموادع صوتك الهـــادي
تمر سنين فغيابك وتعصـــف بالخفوق ريـــاح
وصار الحزن ديـم وصار صدري للحــزن وادي
أحبك كنت اشح بقولها كانت حــروف شحــاح
أنا كنت اجمـع اسراب الكلام وأرضــي عنـادي
ألـوح لــك بصمتي والــشعر مابيننا ملـواح
عذابات انتظاري مثل عيـس وشــوقـي الحادي
أخذت العمر والصبح الجميل ولاتركت افراح
ونسيت بروحي من الذاكرة سوطي وجلادي ..
ٍلأبعاد أدبية كل الحب والشوق ،
وللأحبة كل التقدير ..