~~ مـ ـطـ ـر .. وأشـــياء أخــرى ..! ~~

[عبدالله بن زنان]

.
.

.





مشواري ومشوارك ..

مساحه لـ الغرق ..

وتعيش روح تزلزل الباقي من اركان الصباح

ويحترق فيني مسارك ..!



سألتك ..

لامتى ..؟؟

وآآنا على باب السنين

أقرا حنين ..

وأقرا ملامح هالمطر ..

لاداعب اغصانك تدلى من جدارك ..!



سألتك ..

صمت

قريتك

كل حكي النااس

لاصار الحكي جرح الدقايق

والشفايف مالها معنى ..

سوى فض الكلااام البكر وغيوم انتظارك ..!



وين دارك ..؟

وين اساسات الغرام الباكي

بأحضان نااارك ..؟



منك ..

من فوضى حصارك ..

مابقى لجناح روحي

غير لون الصبر

وجنون اختيارك ..!




يابعد هالكون ..

ياحمّى الضلوع ..

الغايره بالشووق ..

وش باقي ظلااام

وكل مابالأرض

يتمنى نهااارك ..!




ياحياة اليوم

يابكره

ويا معنى انصهار الما

على خد العطش

لاولّع الوجد الغبي

ناااري وحسيت انشطااارك ..!




وينك ..؟

وانا كلي مساحه لـ الغرق

متوحد بروحك

على قمة أنين

ولا بكيت إلا حصااارك ..!






.
.

.