~~ مـ ـطـ ـر .. وأشـــياء أخــرى ..! ~~

[عبدالله بن زنان]

.
.

.




صمتك مفاتيح الكلام ولهفتي وجنوني
والليل تفاح الصبايا .. قبل صبح جنونك


إن جيت أدور للكلام آضيع مثل عيوني
وان جيت أدور للحكايا ضعت بين عيونك


كلك على بعضك حكاية تستفز طعوني
وكلي على بعضي غريب مسافرٍ لطعونك


احلمي بالعمر كيفك .. وان بغيتي دوني
بس أنا .. لا حلم بيدي .. دام عشت بدونك



.
.

.

[/B]

 

[عبدالله بن زنان]

.
.

.





عذري / أني موت أحبك وأنت تدري

وعذرك / أني موت أحبك وانت ذايب ..!





.
.

.

 

[عبدالله بن زنان]

.
.

.




حبيبي الصبح من دونك
أغصان تسأل عن الورقا


قبايل الريح يطرونك
وحبال هالذاكرة غرقا


لاتسأل الغيم وش لونك
بآعيش بك والسما زرقا


باعيش بغيابك عيونك
واحضنك واتنفسك وارقا


من قال بآموت من دونك
بحياك لو عاشت الفرقا ..!





.
.

.

 

[عبدالله بن زنان]

.
.

.







الحنين ..!


انحسار الوجد ..

خلف ستارتين من الألم ..

واقف وراها بعض حلم وبعض تين ..!




الحنين ..!

إرتعاش عروق ..

قبل يفوق ياس ..

يبدل الحاله بسين يجر سين ..!




الحنين ..!

لخبطة أنفاس ..

في لحظة تسامي..

بين ورد الروح واشواك الغيوم ..

بـ صدر بستان الحزين ..!





الحنين ..!

غصة الأشواق في كاس الأمل ..

عند إنثيال الذكريات الصامدة في وسط عين ..!




الحنين ..!

لعنة الحب الوحيدة ..

لاذكرت أنك وحيد ..

ودمعة الشوق .. انتظارك في وجيه العابرين ..!






الحنين ..!

اختناق الدمع بين حزام غربة ..

يربط الأحلام بـ ايدينه ..

وعينك واقفة تلمح مشاوير السنين ..!






الحنين ..!

إنحسار وإرتعاش ولخبطة ..

غصة ولعنة واختناق ...

ولملمة أشلاء في ركن السما ..

لامن تساءل دفتر الأضلاع ..

ليه تموت بدري .. ؟

ليه بـ اشواقك تعيش ..

ولـ جل ميييين ..!






.
.


.

 

[عبدالله بن زنان]

.
.

.




استحله واستحل اللي معاه
مابقى بالقلب شي .. الا معه


لو منعته عن خفوقي مانساه
ولو منعني عن خفوقه بمنعه


اتفقنا ... نسكن الحلم وشذاه
واختلفنا .. من يموت بمدمعه ..!





.
.

.

 

[عبدالله بن زنان]

.
.

.





البحور جروحي اللي ماهدت
موجها بركان حلم .. بلا هدوووء



تبني من الريح رقصاتٍ بكت
في جبين الليل ترسم لي / نتوووء



استغيث الما سحابه مانشت
واستحث النور لو طال النشووء



كل ماسافرت خطوة عودت
روحي لداره .. وخطواتي تسوء



من ربيع العمر شمسه ما غفت
شوقي الأنهار ووصاله وضوء



والليالي صوت دمع وما رقت
للصباح اللي سرقني في هدوووء ...!






.
.

.

 

[عبدالله بن زنان]

.
.

.




ديرة بدون الما .. فلا هي بـ ديرة
وقلبٍ بلا حبك .. فلا عاد له قلب ..!




.
.

.

 

[عبدالله بن زنان]

.
.

.





الجنون عيون .. وعيونك وطن
والوطن من غير عينك وش يكون ??


لا شوارع .. لا أماني .. لا سكن
لاحياه ... ولا ممات ... ولا طعون


انت بلحالك ..... زمن داخل زمن
كيف عمري ينحسب لو يحسبون


أنت لحظة حلم في لحظة شجن
والتزامن .. يعطي اللحظة عيون


لو تغيب العمر ... باهديك الثمن
الثمن : باسـمك خلاااايا ينبضون


يسهرونك.. يرسمونك لي وطن
ولا وطن دونك .. ولا غيرك يمون ..!





.
.

.