و فرِحت ليك

[صلاح سيد أحمد الغول]

مع عاطر التّحايا لرواد ، أبعاد الشّعر الشّعبي،
قررت أن أخوض هذهِ التّجربة ، تجربة نشر قصيدة بالعاميّة السّودانيّة التي قد
تجدون فيها بعض الكلمات العربيّةِ المُهَجّنة أو المشتقّة اشتقاقات خاصّه بأهلنا في السّودان
الزّاخر ببيئاتِه وبقبائله المختلفة .. ولكنّني على يقين من أنّكم وبلا استثناء اذكى من أن يصعب
عليكم فهم معانيها في سياق الكلام والجُمل المفهومة.. فقط أرجو أن تروق لكم القوالب التي ننظم عليها..
.
وفـرِحتَ ليــك

شرحي بيطول
لو قُتَّ ليك إيه عايز اقول
نورِك بَرَق
شَرَق الافُق شطب العقول
بَقيتي بَق
نَظَري اتحرق شمت العذول
قلبي اتفلق
واصبحتَ في حيره و ذهول

يا دايره في فلكك هِناك
وضوّايه لكن في سماك
حاوَلت واتشاقيت كتير
و لجأت للأمر الخطير
و كشفت ليك كرتي الأخير
و حرقتو شان اكسب رضاك
و ركبت ليك المستحيل
لا لقيتلي حل
لا عرفت إيه أعمل معاك
وسحبت كل رصيدي في بنك الأمل
ودفعتو عربون لى وفاك
ضحيتي بي
وفضلتي تتباهي بعُلاك
لا نزلتي لي
لا قدرت أوصل لى مداك
حصل الحصل
فكرتَ أنجو من الهلاك
بى كلمه أو
لو مره بى لمحه وأراك
غامرت و اتوسلت ليك
و جريت كتير و حفيت وراك
دقيتو بابك ما انفتح
قاومت جمر الإنتظار
طفيتو بى دمع الحَنين السال سرح
ونسجت على نول الصبر
توب الزفاف وطرّزتو ليك
و فرحت ليك يا الغاليه
لما فرحتِ كملتو الفرح
وصاحب النصيب
زكيتو واتنازلت عن
قصرالسعاده الفي الخيال شيدتو ليك
وزينتو لى ليلة الفرح
وداريتا أسراري المعاك
وكتمتها وواريتا قلبي الإنجرح

 

[إيمان محمد ديب طهماز]

روح الشاعر لا تتجزأ أبدا
هي نور يتوسد مراح نفسه و أخيلته
كما أدهشتنا هذه الروح العظيمة في الفصيح
تعود لتدهشنا هنا بالشعبي و اللهجة السودانية
شاعرنا الفذ
طالما وقفت أمام بحار قلمك بدهشة
و لازلت أتأمل اعجاز بحارك التي لاتنضب
ماشاء الله تبارك الله
سلمت أناملك
و سلم مدادك

 

[رشا عرابي]

لله أنت

علمت الآن سرّ هذا الإبداع الفريد
وتلك الدهشة المزروعة في بساتين يراعك
أهلنا بالسودان الغالي متميّزون بثقافة عالية
وحسّ مرهف وطابع متفرّد في خلق القصيد

سلم البنان
ودام اللسان رطباً بكل ما يُثري الذائقة
ويُمتع الإنصات

 

[صلاح سيد أحمد الغول]

المشاركة الأصلية كتبت بواسطة إيمان محمد ديب طهماز

روح الشاعر لا تتجزأ أبدا
هي نور يتوسد مراح نفسه و أخيلته
كما أدهشتنا هذه الروح العظيمة في الفصيح
تعود لتدهشنا هنا بالشعبي و اللهجة السودانية
شاعرنا الفذ
طالما وقفت أمام بحار قلمك بدهشة
و لازلت أتأمل اعجاز بحارك التي لاتنضب
ماشاء الله تبارك الله
سلمت أناملك
و سلم مدادك

اعتادتْ حروفي أن تبقى خجولةً منزويّةً ومنكفِأةً على ذاتِها لحتى تُمَدُّ لها
كفٌّ كريمةٌ تربِتُ على كتفها وتُقيمها
شكراً لكِ أستاذه إيمان فقد طيّبتِ خاطري وخاطر حرفي

 

[صلاح سيد أحمد الغول]

المشاركة الأصلية كتبت بواسطة رشا عرابي

لله أنت

علمت الآن سرّ هذا الإبداع الفريد
وتلك الدهشة المزروعة في بساتين يراعك
أهلنا بالسودان الغالي متميّزون بثقافة عالية
وحسّ مرهف وطابع متفرّد في خلق القصيد

سلم البنان
ودام اللسان رطباً بكل ما يُثري الذائقة
ويُمتع الإنصات

أ الملكةُ هُنا وبعدُكَ جالِسُ ؟!
شكراً جميلاً سيدتي رشا والقيام لحرفك الصّفيَّ البَهيِّ
والسّودانُ وأهلُهُ يكنونَ لكم من الوّد ومن العِرفان ما لا يُبقي
مجالاً في صدورهم إلا لكُم .

 

[ساره عبدالمنعم]

مبدع يا استاذ صلاح

 

[سلسبيل]

رائع جدا
حفظكم الله

 

[سليمان عباس]

هنا حكاية عن هواك
ع اللي ملعق في سماك
والقلب متعلق معاه
وفوق هذا الفوق
ما اتنازل وجاك
كان اللي كان
وكنت تتمنى تكون
وعدى الزمان
وخابت آمال وظنون
كثير في الدنيا التعب
حب اتمحى
وشعر انكتب
باحساس
ماعمره كذب


الاستاذ القدير صلاح سيد
شكرا لك لمشاركتنا هذا الجمال
عاطر الود