1000 بيت 📝🏠

[تفاصيل منسيه]

السلام عليكم ورحمة الله وبركاته
صباحكم/ مساكم سعاده بإذن الله .. جميعاً
أبيات بسيطه لإستمرار التواصل اتمنى أن تنال استحسانكم

أقول :

ايه باقي لي بعيونك طيف وبقلبك شعور
وانت باقي لك بقلبي وبعيوني الف بيت

لا تحسْب إني نسيتك مهما في بالك يدور
كون واثق .. مانسيتك .. مهما قالو لك نسيت

افترقنا .. قدّر الله .. والله عالم بالصدور
يعلم بْحالي ويدري كم على بعدك بكيت

كم وكم دورت طيفك في خيالي بـْلا فتور
وكم تحديت الغياب يهد حبٍ لك بنيت

كيف حالي ؟؟ يسألوني !! ماعلى حالي قصور
احمد الله يوم قدّر وابتلاني وْ لا شكيت

الله أعطاني غرامك يوم قلبي له شكور
وابـْتلاني بالبعاد المرّ وبـْحكمه رضيت

أنتظر صدفه تجيبك ,, تشبه لأول حضور
لك بعيني ؛ واحتفي بك كن عمرك مامشيت

كل ما صليت ادعي "لك" بأسباب السرور
وكلّ ما واجهت طيفك في منامي "لك" دعيت

تدري ؟! لو هذا الفراق برغبتك او كان دور
نلعبه في مسرحيه عابره ؟؟ كان انتهيت

لكن وجودك اساسي في حياتي وانت (نور
عيني) وباقي بعيني لا خفتّ ولا انطفيت

أنته قصه عاطفيه ما تجي بهيئة سطور
أنته يا أجمل (قصيدة حبّ)بإحساسي قريت

افترقنا ؟! ايه ,, ادري وادري إن قلبي جسور
ماخضع للبعد مهما طال او عنه اختفيت

واللي قلته ما يوصّل بعض من بعض الشعور
لكن يْعادل فـ قلبي بالمعاني الف بيت

وسلامتكم

23 فبراير 2025

 

[سعيد الموسى]

كل ما صليت ادعي "لك" بأسباب السرور
وكلّ ما واجهت طيفك في منامي "لك" دعيت


والحب دعاء ياتفاصيل ..
نص مفعم بالشجن والمزن

 

[سيرين]

كروضة اينعت شعرا
شكرا تبجل ماتناثر هنا من عطر
مودتي والياسمين

،،

 

[عبدالإله المالك]

التفاصيل شعرية وبامتياز

 

[رشا عرابي]

ميثاقٌ لا تأكله أَكَلَة،
ثمّة تفاصيل لا تُنسى يا تفاصيل

لقلبك السعادة يا روح~

 

[خالد صالح الحربي]

:
رُبَّ بيتٍ عن ألف بيت. 😌
🌹

 

[أحلام مؤجلة]

( انته يااحمل قصيدة حب )

وهنا الحب فاض وطغا
والجمال زاد عن حده


تقبلي مروري
وصح الله لسانك