مبسم الصبح

[محمد مهاوش الظفيري]

[poem=font="simplified arabic,6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]

سألت عنك الريح يا معذب الريح = سألت عنك البارحة والثواني



سألت وظعون السوالف مجاريح = متشتتة بين السفر والمواني



الليل قفى , والمساري مصابيح = تطوي خيوط الأسئلة في مكاني



وقفت وعيون الحواري تبي تطيح = من التعب بين السكك والمباني



يا مبسمٍ يغسل بروحي تباريح = وينبت على جدران قلبي أماني



جيت أسألك يا غربة البدو والشيح = عن ذكريات الأمس عن عنفواني



جيت أسألك والصبح يمطر تسابيح = ويدثر أحلام النسيم بكياني



يا مبسمٍ أشعل بقلبي تواشيح = قبل القصايد تنفجر في لساني



متى أغني للمقادير وأصيح = وأكسر بشعري كل وقتٍ عصاني



لعيون منهي لا ضحكت خافقي يسيح = والزعفران يسيل بين المحاني



اللي معاها خافي أسراري تبيح = وتتهندم ظروفي وتحلى الأغاني [/poem]