تعال واكتب حالتك/لحظتك شعراً ..!

[مي العتيبي]

قالوا العمر يكبر..قلت:كذبة كبيرة
عمر الإنسان يصغر كل ماهو يطول
قالوا:الشعر بيت.. قلت أنا:الشعر ديرة
أعقل اللي سكنها.. فيه طيش مهبول



والشكر موصول للاستاذ عبدالناصر على الدعم ..

 

[منتهى القريش]

إلك داخلي وحشه
قلوب اطفال ..
عجزت إني أناغيها
وعلى قد الفرح بيها
عجزت إني ..
أجاري لثغتك فيها
صدقني ..
أحاسيسك
عجزت أعرف معانيها ..
دخيل الله تحملني
وعلمني
أطفالك بوسط الروح
كيف اقدر أربيها؟

 

[وَرْد عسيري]

الكون فاضي و الفضا من يمليه
...... ما غير ضيم ٍ قبل ترحل و غصة |

 

[نايف السميري]

.
.
الحزن ماهو بشي يمرني واكتبـه ...!
.................. والونه من فراغاتـي واسميه حـزن !
الحزن شيءٍ يبعثرني لـو ارتبـه ...!
.................. والقاه بين انكسارتي وصبري وطـن !!
.
.

 

[نايف السميري]

.
.
والحزن ماهو مجرد علبة ألوان ...!
...................... الحزن حاله ولاهيب اي حاله !!
.
.

 

[نايف السميري]

.
.
والغـد لو ينتصر لاحلام الانسان ...!
.................. ماهو بـ حاجه لـ صبره واحتماله !
.
.

 

[ميــرال]

وان ماوحشتك
عاد
انت على بعضك كذا باالحيل واحشني

 

[صالح العرجان]

مشتاق لك باحزان بدوٍ شـدت زهاب ارحالها
عيـت تـنوخ ركـبها لو كانت اللحظه مقـيل


مشتاق لك شيمة بدو حفيـت اقـدام اطفالها
ما ترتجى وقـتٍ غنى فى مدتـه أصبح بخـيل