,, مد اليمين ,,

[مرزوق الرمالي]

مع التحيه والتقدير


[poem=font="simplified arabic,5,blue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
مد اليمين لكل يمنى سليمه=ويمناك لصحاب الردى لا تمدّه
رد بقدر لاهل الوجيه الحشيمه=ورد(ن) يقدر غيرهم لا تردّه
عد الكلام اللي ينومس كليمه=وهرج(ن) ينزل قيمتك لا تعدّه
هد المباني والظنون العقيمه=واترك بنايات الوفا لا تهدّه
شد الحبال اللي تشد العزيمه=واللي تهبط خلها لا تشدّه
لد النظر فوق الفجوج العتيمه=وعلى دهاليز الخطاء لا تلدّه
حد العدو حتى حدود الهزيمه=وصاحبك لحدود الخطاء لا تحدّه
سد الطريق المنتهي با الوخيمه=ودرب(ن) يوصلك الرضا لا تسدّه
ود الودود المندفع من صميمه=ومن لا يود وممتنع لا تودّه
رد اللئيم وخل عندك شكيمه=واعط الكريم ليا طلب لا ترده
[/poem]

 

[إبراهيم الشتوي]

ومن الشعر نستقي الحكمة ونرتقي بالنفس إلى حيث السمو ..

فشكرا لك أخي مرزوق على هذا النص المنبثق من تجربة حياتيه عميقة ..

تقديري .

 

[حاتم منصور]

حاولت الأقتباس من النص
ووجدت النص نهر حكمه متدفق
صح لسانك ملايين
وأشكرك على هذا النص الوارف
إعجابي وتقديري

 

[نواف العطا]

مرزوق الرمالي
جميل حينما يمتزج الشعر بالحكمه والوقار
مبدع كعادتك أخي مرزوق ودمت بود

 

[عبدالله العويمر]

مَرْزوق
وتَعلِيْمَات الحِكْمَة أتَت كَكِتَاب

صَح لْسَانِك

مَودّتي

 

[شمس]

الله يا مرزوق الرمالي
صح لسانك وطاب فالك
أبدعت