بــــــدون مـــــجـــامـــــلـــة .. !!

[عبدالله الجزلاني]

في كلِّ شئ .. الهدم أسهل من البناء !

وأتساءل :
..
- ذلك الصحفي .. ماذا لو استخدم قلمه .. بدلاً من أن يقذف قطعة جلدٍ من نوعٍ فاخر ..!!
- مالذي يَضير ( الجزمة ) لو ارتطمت بها .. جزمةً أخرى !!
- هذه المرّة .. على أيّ دولةٍ سيقع الاختيار ثأراً لبعوضة أمريكية الأصل كانت تنام بهدوووء على ذلك الحائط !وما هو الأثر الفعلي الذي ستخلّفه الحادثة

[poem=font="traditional arabic,6,#000000,bold,normal" bkcolor="" bkimage="" border="none,6,#400000" type=1 line=1 align=center use=ex num="0,#400000"]
ياهل العقول .. ابغى بدون مجاملة .. وش فينا ؟! = ترى العدو .. من ضعفنا الواضح .. يقوّي عزمه
كلْ ما تروح ازمة .. ونجلس ننتظر .. باقينا = جا ( مـُـنتــَظـَر ) .. وادخل جميع امـّة محمّد فـ.ازمة
يا طيبنا لو نترك التفكير .. في ماضينا = ونْقوم نبني مجدنا بالعلم .. حِزمة .. حِزمة !
إنْ ما كبرنا .. لين نقطف روسهم .. بـ ايدينا = ما حلّت اكبار الدعاوي والقضايا .. جزمة!!
اليوم .. ما ندري بعد هالفعل .. وش قافينا ؟!! = دام العدا .. بسلاحها وعقولها .. محتزمة
ما دام ربّي من نعيم ترابنا ! .. معطينا = لا نحتري يمنىً تقرّب خشمنا .. واتخزمه !
نبغى ليا جينا .. نقول بصوت واحد .. جينا = والا الكلام اللي يروح اشتات .. ماله لزمة
بكره ليا من حطّوا ..اوّلنا على تالينا = ما عاد تِظهرنا .. من افواه المغلـَّث .. رُزمة !
حتى ولو قلنا .. ولدنا .. صار ما يعنينا = قالوا ولد طايش .. وابوه مهمّله .. ما لـَزمه !
وآمالنا .. فالوالي اللي حاكمٍ والينا = ثم بـ امْر والينا .. وعِلْم العالم الملتزمة
أمّا نعيش العيشة اللي خيرها .. يغنينا = ما هيب عيشة ناس وسط ابيوتها .. منعزمة
والا نموت ونترك اطلال البلد ترثينا = من بعد ما قاد الفتى عمره .. وبيـّن حَزمه
ترى تقدّمنا .. بدون عقول ما يرضينا = يوم العدا على وصول اهدافها معتزمة
يـ اصحابنا .. ما صابنا .. من جهلنا كافينا = اليا متى .. واقدامنا ترجع بنا .. منهزمة ؟؟
إنْ ما كبرنا .. لين ناخذ حـقـّنا .. بـ ايدينا = ما اظنّ تسعفنا على قطع المسافة .. جزمة !!
..[/poem]

...

...