ياشينهآ لانخذل قلبي ..

[أحمد عبيد العدواني]

مساء الخيـر .. لقلوبكم النقيه

يآشينها لانخذل قلبي


يـنــادي الـصـاحـب ويـبـطـي بشـرهـاتـه
وانــا مكـانـي بعـيـد وضـاقـت افـراحــي

الـقــلــب فــاقـــد أمـــــل ودع لـغـايــاتــه
من يوم همـي علـى صـدر الألـم لاحـي

انـا الــذي كــل شــي(ن) يفـرحـه فـاتـه
انـا بـصـدري هـمـوم(ن) سـدهـا بـاحـي

انـــا الـوحـيـد الــــذي شــكــواه لاهــاتــه
انـا الـذي كــل جــرح بداخـلـي صـاحـي

انـــا البـعـيـد أقـــرب انـســان لمـعـانـاتـه
انـــا كـسـيـر المـحـبـه بــــس مـاطـاحــي

يـابـنـت مـالــك ومـــال أحـمــد وأبـيـاتــه
الشـعـر يـــوم اكـتـبـه مـانــي بمـرتـاحـي

الـبـارحــه والــفــراق تــلــوح نـظــراتــه
الـبــال مايـاسـعـه لاضـحــك ومــزاحــي

ياشـيـنـهـا لانــخــذل قـلــبــي وهـقــواتــه
مابـيـن اكـابـر وبـيـن انـسـاك وجـراحـي

وياشيـنـهـا نـظــرة(ن) بـعـيـون شـمـاتـه
يقرون في وسط عيني غالي(ن) راحي

وش عاد باقي لقلـب(ن) شـاف مأساتـه
يرجـي ويرجـي عسـى هالـهـم ينـزاحـي