يكفي عتب

[خالد الرويلي]

المشاركة الأصلية كتبت بواسطة حسام المجلاد

يكفي عتب ياصاحبٍ ماخفاه الحال
على اللي يفوت من الفرص لا تحسّفني

انا ادري عتبك من الغلا وانت طيب فال
ولكني أرفض موج الاسفاف / يجرفني

مادام الشعر في داخلي له قدر وإجلال
حرام اني اصعد منبر ما يشرفني

مقامي عزيز وعزة النفس رأس المال
ومن صد عني كِبْر ما قلت له شفني

وإذا أخطا عليّ الجاهل بسمرة الجهال
ترفعت.. ماكن السوالف تَخَطّفني

انا ما رضيت لـ باهت الذوق القّي/ بال
ليا ذمني.. ولا بمدحه.. تألفني

منعني طموحي لا ارخي اذني لقيل وقال
سرق كل وقتي ما ترك ساعه لجفني

يواعدني بصبحٍ تنفس به الآمال
يدينه من ايدين أدهم الليل تخطفني

مع الحلم لي ميعاد والدرب مهما طال
اباصل مداه ووحشته ما تخوفني

مشيته.. واصدق تحجب الشمس بالغربال
ولا اصدق إن عْداي تقدر توقفني

كفى شعري.. إنه نبض عاقل كتب بهبال
يمرّ الحبيبة كل ليلة وتنصفني

تلد العيون إعجاب ولّا تصد إهمال
يكفيني إن عيونها الحور تعرفني

حسام المجلاد


لك القلب