نتوء بـ هدوء..!

[طارق سليمان]

أحب فوضايه معك
وأنتى كثير مرتّبه
هذا الشعر لو ما عيونك تعشقه
وربى ماعدت أعتّبه
ياكثر ماأمسح كلام
عنك تعبت آكتّبه..!

 

[طارق سليمان]

زين غيبى
علمينى الكون هذا كيف رح يصبح بدونك
زين غيبى
علمينى كيف يمشى الوقت هذا دون ماتضحك عيونك
زين غيبى
علمينى شلون الاخضر يبقى أخضر لما يطلع عن غصونك!!

 

[طارق سليمان]

ياغيث
والحزن الكلام
الصمت أحياناً فرح
وإذا بتشحذنى غمام..!!
حتى أنا مشتاق لك
دفاترى غيم وضيا
فيها كثير أوراق لك
وإذا الكلام اللى كتبت
ماراق لك
إعصر لى عيونك بكا
حتى انا مشتاق لك
تخيّل الدمعه بشر يمشى معك لما تروح
تسولف معك
تمسك يديك
تعاتبك
وتقول لك فى شيطنه" الله يهديك"
تخيّل الدمعه مشت
وإن العيون اللى أرمشت
عينٍ بكت مره عليك
وإستاحشت!!
وكل الغمام عناق لك
وحتى انا مشتاق لك

 

[طارق سليمان]

إكتب عشانى ف فضفضه!!
ردك على هذى حلو,,
لكن ترانى أرفضه!!!
أكتب عشانى أغنيه
وهذى شتبى!!!
تهديك شعر وأمنيه؟؟!!
قصيدتك هذى بـ منو؟؟؟
أظن هذى تقصدك؟؟
"
"
"
فلانه قالت تعرفك!!
وفلانه هذى تفقدك
وفلانه هذى تغرفك
وليش تروح لـ فشة خلق
شفتك تقرا شعر فلانه!!
وشفتك تقرا نثر فلانه!!
وفلانه هذى غيّاره
وفلانه هذى عيّاره

"
"
"
لا تمزح مع هذى البنت
ذولا ربعك بس اكرههم
ياخوفى
تطلع تشبههم
"
"

طيب ياستى المطلوب؟؟
تحلف لى انك بتتوب!!

"
"
"
مو لما ألقى لى ذنوب!!


ملاحظه: لست مسئول عن اى خلاف ينشب بعد هذه المداعبه..!!

 

[طارق سليمان]

كن على عينى غباش
وهذى الصور مو واضحه
من موّت بـ صدرى الفراش؟
من ذابحه؟

 

[طارق سليمان]

أحيان يبكى ..داخلك شخص وتونّ
وأحيان ..تبكى داخلك انت وتغيب

مو مشكله تقدر ...على نفسك تحنّ
بس إش يحنن من سكن بالمحاديب

ياما نصحتك.. ف البكا قلتلك :غنّ
آسف كذبت .وقلتلك جرح ويطيب

ريحة سيجاره ...غلّفت ريحة البن
وجهك بقى ...يرمى على المكاتيب

ضيعّت وجهى جيتلك قلتلى: من؟؟
ومن يومها يقنب على حزنى الذيب

تقفى ويقفى.بى حزن خيبة الظن
حتى الثرا من غبت رمله لواهيب

بعدك وأنا فى دخل القلب وآكن
حزنى بصدرى عن عيون الاصاحيب

وإليا طرا وجهى على خاطرك عنّ
أنا انتظر بين الـ "هلا" والتراحيب

وإذا نسيت وباقى سوء هـ الظن!!
غيرك يغيب وانت ماعمرك تغيب

 

[طارق سليمان]

بعد إذنك!!
إذا هو الوقت يسمح لك بأقول أشياء فى بالى
قبل تمشين
إذا ممكن!!