خفايا الروح

[خالد السويلمي]

قلنا السلام ...وقلت هيهات يالفرق
.... بين السلام وبين قولة هلا بـ شوق
وقلنا هلا ماناض وسط السمى برق
.... وما خايلن بـ أشباحهن بارقه فوق

 

[خالد السويلمي]

طاب الهوى يـ أهل الهوى بليل قمرَى
...... وياعاشـقـين الليل لي الهـوى طاب
هبالهوى وجاب الهوى ريح عـذرى
...... هب الهوى ولـ ريحة الشوق لي جاب
ريح البختْري فاح في جال خبْرى
......وشـذى عبـيره ياهل الحب جـذاب
له فز قلبي يحسبه عطْر سمرى
.....غرّه شـذى مافاح من ريح الاعشاب
فز وكفخ .. ثم قلت ياقلب صبرا
..... ترى ورود الروض من عطر الاحباب
صحصح معي ياقلب ذاالارض قفرا
...... ولاجـالك إلا حاسّـة وهم كــذّاب
يدّك على يدِّى سوى وانتخطرى
...... كل الوساوس والهواجس والاسـباب
وتعال أنا ويّاك نكـتب ونقرا
..... ولْذكريات الامس بـ نأللف كْـتاب

 

[خالد السويلمي]

محتاج أسهر مع حروف القصايد
...... لكن أخاف أعيـد للي كتـبته
وودي لو أسبك من قصيدي قلايد
......وأخطها من دمع عينٍ سكبـته

 

[خالد السويلمي]

عودي علي من مهجر الصمت عودي
.... حي المشاعر مات من يوم فـرقاك
جودي لـ ورد الروح بالغيث جودي
....أسقي شرايين الحشى عذب من ماك
نودي على أهداب الضماير ب نودي
....هزي غصون الشوق في كف لقياك

 

[خالد السويلمي]

شيء غريب
التملُّق والتصنُّع تطور
والنفاق مجامله
وأحياناً يسمونه تقدير
والبساطه
والطيبه
عندهم ضعف شخصيه
وأحياناً سذاجه

؟

سبحان الله

فعلا شيء غريب

 

[خالد السويلمي]

الصمت ساد البوح من حسرة الروح
..... والقاف شاب بـ مولده قبل مبداه

 

[خالد السويلمي]

لو كان ما كلِّـمْك يكفي وجودك
... وإحساس قلبٍ طلتك راحةٍ لــه


كوني بالقرب

حبي