نصوص .. نفذ حبرها

[ظافر الهرمسي الهاجري]

لا لا .... تشاركني همومي والأحزان
خلني أعيش ابــ طيبتي وابــ حناني

أنا كـذا مخلوق في شكل إنسان
ملاك في شيطان /// مخلص واناني

لكن مصيبة لو غـــدا الحب حرمان
وأصبحت أنا بالمجتمع شخص ثاني

بعيش بالدنيا كما عــلـبـة ألوآن
ويصير لوني بالحــيــاة أرجواني

وصلت للعالي وبي طفل عطشان
بيدي سقيته بالحظوظــ وسقاني

وشربت مر الكآس : وش كنت! وش كآن!
ما شفت نفسي ( الناس شافت مكاني )

وبالليل لي وحدة وشآني بها شآن
يمرني النوم العجل في ثواني

مرات أنام .... ونوم الأيام سلوان
ومرات .. لا نايم .... ولا النوم جاني

وأرفع يديني وأبتهل كل ما حان
لا ضاق صدري .... بالله المستعاني

أحيا وأنــا حي ٍ ولا احيا بلا شآن
وأموت سامي ( في سموي معاني )

وأكتب قصيدي كل ما أشتقت يا أفلان
واشــره على اللي مرني ما قراني

ظ: م

شكراً على الفكرة الجميلة أخت العنود
و
شكرا ً لأتاحت الفرص لتدوين ما قد يُنسى