[ المُجَامَلَةُ : أَبْعَادٌ وَ حُدُودٌ .. دَعوةٌ لِلحِوَار ]

[د.داليا أصلان]

منال عبد الرحمن ..

خليني اكلمك عامي لو تسمحي لي لأني هشخصن ردي ..

انا (داليا أصلان) ما بعرفش اجامل بمعنى الكومبليمو او تكملة الحديث اطلاقا .. ما بعرفش .. ربنا خلقني يا بحب اوي واعبر عن حبي ده بكل ما اوتيت من لفظ وفعل .. يا بكره اوي .. واعلن عن كرهي وضيقي وقرفي ده بكل وسيلة وشكل طالما لسة واقعة تحت ضغط المؤثر..


وبنسبة 10% من المواقف ممكن اتحفظ ..


غير كدة مجاملة بمعنى مديح شخص أو غرض ، أو تزيين حديثي ولو من باب اللياقة (مع اللي شايفاه ما يستحقش) ما بعرفش .. يعني يا احس اللي بقوله يا لا .. وقانوني ساري عالنت قبل الواقع من زمان ، ولم أفلح مطلقا في تغييره ، وكل ما كبرت في العمر كل ما زادت معايا الحالة.


لما بيجاملني حد محتاج مساعدتي .. بقضي له طلبه لو في مقدوري ، وبفهمه انه مش مضطر لكدة في المرة الجاية .. يمكن يكون مخي متركب شمال .. بس صدقيني ده وضعي فعلا.


اللون الرمادي بالنسبة لي نعمة اتحرمت منها .


المجاملة مطلوبة ولا لا ؟ .. والله آديني عايشة 33 سنة من غيرها ومحققة نجاحات لا بأس بها على أصعدة كثيرة الحمد لله..


موضوعك مهم الحقيقة (من غير مجاملة) طلعني من صفوف المتفرجين لصفوف المعترفين بعجزهم عن استلام أو تغليف الطرود بأوراق السوليفان.