سنوات عمري

[محمد مهاوش الظفيري]

البارحة .... بارحة

[poem=font="simplified arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

البارحة ... مدري متى البارحة راحت = سهرت...وإلا نمت... أدري .. ولا أدري

كنّ السماوات العلى كلها طــاحت = وكنّ الفصول الأربعة ما غـدت تجري

تراجعت .... مثل البدايات وانزاحت= وتمددت ... مثل النهايات في صدري

شيخة ... ولا هي بنت شيخ , ولا لاحت = حلوة... ولا هي بالحلا طعمها يغري

بنتٍ لعوب ولا تحضنتها صاحت= تعيث بأعصابي ... وتعتاش من فكري

بعيونها ... أجمل مواعيدي ارتاحت = وبخدودها ورد الرياحين مســتشري

وف صدرها .. عمر الزغاليل ما ناحت = متوثبة ... للحب .. للّيل يا عمــري

ليلة سهر .. كانت .. وبأحلى الغزل باحت = ومرّت مثل نسمة هوا ... والهوا سحري

وطافت على قلبي مثل جيش واجتاحت = وخلتني أعزل ...غير مني ..ومن شعري

ليلة بها كل الأعاجيب لو شــاحت = وفيها من هموم المخاليق ما يــزري

البارحة ... والبارحة بالشذا فاحت = وتبددت مع طلة الشمــس من بـدري[/poem]

1999

 

[محمد مهاوش الظفيري]

شذا البلور

[poem=font="simplified arabic,5,#000000,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]


يشلّ الليل عطرك يا شذا البلور= وتخضر السنين الموحشة فيني

تهجيت الرذاذ بمبسمك ,, وتدور = طواحين الزمان وتسرق سنيني

أحسّ كفوفي الثكلى ضما ديجور= يتلّ السالفة مني ويبكيني

وأنا مرمي ورا الدنيا وخلفي سور = تمرّ الذكريات ولا تراعيني

.. ولقيتك يا أعذب أحلامي سنابل نور = تغني للبساتين وتواسيني

غفت في ساحل عيونك شواطي بحور = سرقها الوقت من عينك إلى عيني

أنام وأحضن أنفاسك فضا وشعور = وأحسّ الفجر في عيونك يناديني [/poem]

30 / 12 / 1429هـ
28 / 12 / 2008مـ